مصر موتورز مجتمع السيارات - رجاء للأخوه الرد

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - رجاء للأخوه الرد (https://www.masrmotors.com/vb/showthread.php?t=22636)

رجاء للأخوه الرد

أنا اشتريت لانوس 2010 وتخطيت ال2000ك ولى إستفسارات

1- متى وأين الصيانه الأولى؟
2- هل أستطيع تركيب إنذار ووحده رفع و أين؟
3- هناك بعض المشكلات و هى:
أ- رعشه فى الدركسيون بعد 110ك.
ب- حدفه شمال مع انحراف بسيط فى الدركسيون لظبط الحدفه .
ج- ارتفاع فى مؤشر الrpm بعد ترك دواسه البنزين تقل بعد زحزحه الدواسه بقمى لأعلى.

أرجو من المسئولين الإهتمام و الرد للأهميه؛

ولكم الشكر؛

رد: رجاء للأخوه الرد

مبروك عليك بس انت ليه معملتش صيانه الالف الاولى دى مهمه جدا
انا من رايى تحل كل المشاكل من ترصيص وضبط زوايا ومشكله دواسه البنزين فى الصيانه بس معرفش مكانها
واطمن كلها مشاكل بسيطه وتتعمل ياذن الله
ورايى تركب انذار وسيبك من وحده الرفع مكنه الازاز بتاعه اللانوس مش قويه وبيتهيالى هاتضعف ده رايى وجايز اكون غلطان لانى كان معايا لانوس بس دايو قيب كده

ربنا يوفقك وماتقلقش

رد: رجاء للأخوه الرد

اولا ألف مبروك يايا باشا
بالنسبة للبند
أ - الصيانة بعد 5000 ك م بس فين معرفش
ب - ممكن تركب إنذار ووحدة رفع في العربية وبس يا ريت يكون عند صنايعي نظيف أو ممكن تركب الانذار في شركة انتج إنذار الولف نفسة وال اعرفة انها في أخر جسر السويس .
ج - وجود رعشة في الدركسيون بعد 110 ممكن يكون ترصيص العجل والله اعلم
د - حدف شمال دة ان شاء الله ضبط زوايا وبالمرة رصص العجل .
ه - بالنسبة لاتفاع ال ار بي ام ممكن يكون جراب السلك بيعض في حاجة أو يكون الدواسة جمعت اتربه مع شحم والل اعلم
وعموما دخل العربية الضمان علشان متخرجش من الضمان واكشف عليها كشف شامل وريح دماغك

رد: رجاء للأخوه الرد

الحق روح التوكيل لحسن انت متاخر كان المفروض عند 1000 بس مش مشكله روحلهم برضه
الرعشة طبيعية علشان العجل مش مترصص ممكن ترصصه فى التوكيل او بره التوكيل مش مشكلة
حكاية ال rpm خليهم يعملوهالك فى التوكيل
بس ابقى جرب لما تشيل رجلك متحاولش ترفع الدواسة من ورا و لو ال rpm رجع لوحده بعد شوية يبقى احب اطمنك ان ده طبيعى لكن لو مرجعش خالص يبقى لازم يحلوهالك لان العربية فى الضمان
و الباقى ذى ما قالك الاستاذ acounter

رد: رجاء للأخوه الرد

اهلا بيك ابو يوسف ومبروك العربيه - ربنا يديك خيرها ويكفيك شرها
انا معايا لانوس 2010 جميع الكماليات بقالها 6 شهور دلوقتى وعملت 7000 كم

شوف ياسيدى :
لانوس مالهاش صيانه عند 1000 كم ، وأول صيانه هى صيانه ال 5000كم
لكن هذا لا يمنع ان حضرتك تتصل بالوكيل او اى مركز خدمة معتمد وتقوله عن الشكاوى المذكورة وتحدد ميعاد وتروح تظبط هذه المشاكل
هى مشاكل عاديه ووارد حدوثها - لا تقلق
وللعلم صيانه ال 5000 عبارة عن تغيير زيت الماتور والفلتر (تكلفة حوالى 135ج) والكشف على جميع الزيوت والسوائل والسيور (غالبا بيكون كله سليم ) وربط العفشة ، وبيسالك اذا عندك اى شكوى من اى شئ غير طبيعى فى العربيه .

1- لا تحاول تركيب انذار خارج التوكيل لأن اى اعمال تخص الميكانيكا والكهرباء على وجه الخصوص سوف يخرج السيارة من الضمان - لذلك اسال عند الوكيل على اى شئ عاوز تركبه .

2- الوكيل والمراكز المعتمده هى:
الوكيل : منصور شيفروليه ( الرقم الساخن 16424 )
فرع مدينه نصر - ش الطيران بجوار بنزينه رابعه العدوية ت: 22619701
المركز الرئيسى : ابورواش - خلف كارفور قبل بوابات اسكندرية الصحراوى ت 38387294 - 38387295 - 38387296

مركز صيانه معتمد : أبوغالى امام كارفور مدخل مدينه العبور ت: 16523 - 25228080
و مركز أوتوماستر - الحى السادس خلف قسم شرطة ثانى م. نصر ت 0127333040 - 22627129 - 24037344

وتحت امر حضرتك فى اى سؤال فى اى وقت