مصر موتورز مجتمع السيارات - الطريق الى الفورملا 1

مصر موتورز مجتمع السيارات (https://www.masrmotors.com/vb/index.php)

- رياضة المحركات (https://www.masrmotors.com/vb/forumdisplay.php?f=71)

- - الطريق الى الفورملا 1 (https://www.masrmotors.com/vb/showthread.php?t=22615)

الطريق الى الفورملا 1

كنت عاوز اعرف ازاى اكون سائق سباقات فورملا 1
او الطريق اليها بمعنى مختصر
وايه الشروط

ياريت نفيد بعضنا

رد: الطريق الى الفورملا 1

كان في مرة خبير على الجزيرة الرياضية اعد يتكلم ازاى تخش و ليه مفيش عرب!
بختصار رياضة مكلفة جداا للاهالي مش فاكر بس الرقم
الحل الوحيد ان انت تكون سواق جامد علشان اي فريق يرعاك بش انا مش عارف ازاى توصل للفرق!

رد: الطريق الى الفورملا 1

معظم سائقى فورميلا 1 يبدأون مسيرتهم فى سن الطفولة بقيادة سيارات كارتينج ، و ليس مجرد القيادة و لكن الاشتراك فى السباقات الرسمية لهذا النوع من السيارات
كما أن أغلب السائقين ينضمون لمدارس لتعليم فنون قيادة سيارات السباق و أغلب هذه المدارس فى أوربا و قد بدأت هذه المدارس فى الغنتشار فى دبى و أبو ظبى و قطر و البحرين.
و من خلال إنفاق أموال ضخمة على سيارة أو الالتحاق بفريق يقوم بالرعاية يبدأون فى الاشتراك فى سباقات الناشئين و هى فورميلا فورد أو فورميلا رينو و كذلك فورميلا 3000 و فى حالة التميز يتم نقلهم لسباقات الشباب و هى فورميلا 3 ثم فورميلا 2 و جميعها بطولات أوربية و من يتميز فى هذه البطولات و خاصة من يفوز فى هذه البطولات يلفت أنظار الفرق (الصغيرة فى الغالب) لتعيينهم كسائقى تجارب فى فورميلا 1 و من يسعده الحظ أو تكون موهبته طاغية يمكنه أن يصبح سائق أساسى فى فريق من فرق فورميلا واحد

و الرحلة السابقة يقوم بها المراهقين فى أوربا ممن يملكون المال الكافى لتحمل تكاليف التدريب و التسابق كما سبق و غالبا عند سن 20 أو 21 يكون قد عرف السائق ما هو شكل مستقبله فى قيادة السيارات سواء كسائق سوبر فى فورميلا واحد أو كسائق محترف فى أى نوع أخر من المسابقات.

رد: الطريق الى الفورملا 1

تسلم يا حازم موسوعة والله

رد: الطريق الى الفورملا 1

:)
بتفكرني بنفسي ايام ما كنت مخلص ثانويه عامه و بقول لوالدي عاوز اسافر اوربا ادرس في مدارس سواقه هناك
علشان ابقي سواق فورميلا وان او سائق راليات و انا حشتغل و اصرف علي نفسي
(كان الواحد مفعم بالحيويه و عنده قوه اصرار و صبر جامد في فتره المراهقه)
يقوم يقولي و بعدين يبقي اسمك ايه في الاخر ؟؟بتشتغل سواق؟؟ههههههه
يالا محدش بياخد غير نصيبه