مش عارفة تباركولي ولا تعزوني
 

الحمد لله استلمت عربيتي الفيرنا الجديدة اخيرا
وأول طلعة بيها رجعت بيها مخبوطة مش عارفة اوصفلكم احساسي كان ايه ساعتها
المهم الحمد لله قدر ولطف أنا سليمة بخير لكن العربية طبعا اتخبطت في وشها ووشها اتشوه
كل اللي شافها قالي دي مسألة سمكرة ودوكو مش أكتر
بس انا لسة ما وثقتش وثيقة التأمين وكمان ماعملتش محضر
وكده هاضطر اصلحها علي حسابي
بس مش في التوكيل عشان هاتبقي اغلي
كل اللي خايفة منه اروحلهم بعد كده التوكيل عند ال1000 الاولي يقولولي انتي صلحتيها بره يبقي مالكيش عندنا حاجة بعد كده ؟
افيدوني؟؟؟؟؟؟

رد: مش عارفة تباركولي ولا تعزوني
 

مبروك يا ست الكل مرتين اول مرة على العربية وتانى مرة علشان الخبطة اخدت العين خلاص وجت سليمة

متزعليش نفسك بدام الموضوع سمكرة ودوكو بسيطه خالص والضمان مش هيسقط ولا حاجة بس لو ترفعيلنا الصور نقدر نقولك ايه اللى يتعمل بالظبط ومتوسط تكلفة الاصلاح

رد: مش عارفة تباركولي ولا تعزوني
 

الجمد لله انها جت على سمكره ودوكو مش حاجه اكتر من كده
والف مبروك وانشاء الله ترجعلك سليمه

رد: مش عارفة تباركولي ولا تعزوني
 

ان شاء الله هترجع زى ما كانت بالظبط بس انتى شوفى صنايعى يكون كويس ومتجرب أو حد هنا يكون عارفه وبيشكر فيه

و لو عرفتى تصوريها وترفعى الصور هيكون أفضل

وربنا يديكى خيرها ويكفيكى شرها

رد: مش عارفة تباركولي ولا تعزوني
 

اولا الف مبروك وثانيا قدرالله وماشاء فعل والحمد لله ولو صلحتيها بره ماتخرجيش من الضمان بس لو مامنة اعملى محضر واثبتى الحالة وانت اولى بالفلوس اللى حتتدفع