تجربتى مع صيانة 1000 كم فى أبو رواش
 

السلام عليكم ورحمة الله وبركاتة
أخوانى اعضاء المنتدى المحترمين
انا حبيت اقول عن تجربتى مع صيانة 1000كم فى ابو رواش
انا امبارح كنت حاجز فى ابو رواش علشان صيانة 1000 كم
اول حاجة جحزت بالتليفون رقم 16101 وخذت رقم 88 الساعة 11 صباحا دى قبلها بـ 4 أيام تقريبا
ذهبت الى غبور ابو رواش امبارح الساعة 8.30 صباحا كنت فى ابو رواش ك 28 طريق مصر اسكندرية الدخلة اللى قبل كارفور وبعد محطة البنزين مباشرة اول ما دخلت من الباب سالونى انت حاجز ورقمك كام واخدو رخصة العربية وحطوا ورقة على المراية فيها رقم الحجز واسم مهندس الاستقبال اللى هيفحص العربية قبل الدخول للصيانة ، انا كنت هناك الساعة 8.30 صباحا ، لقيت حوالى 50 عربية موجودة يعنى الواحد لو حاجز وعاوز يروح بدرى افضل ، قالولى اتفضل وهيجيلك مهندس الاستقبال ، المهنمدس جالى الساعة 10.30 تقريبا وسالنى عن العربية والملاحظات اللى كانت فيها وهو بيدونها فى كشف عنده وكانت ملاحظتى كالتالى خلال 1000كم الاولى
1- دواسة الدبرياج واطية
2- زعقة فى الفتيس
3- الفرامل ضعيفة
4- ضبط زوايا والفرامل بتدحف يمين
5- صوت طقطقة فى العربية مسموع وانت ماشى (عرفت بعديها ان كان فى مسمار فى الكاوتش مسمار جامد اوى )
المهندس قالى احنا بنكشف على العربية وبنغير فلتر زيت وزيت 5000كم أ 10000كم ، انا قلت له زيت 5000 كم قال لى دول تكلفتهم 140 جنية وهنشيك على العربية وقعد بيص على العربية لو فيها تجريح أو خبطة أو اى حاجة ويدونها وقالى لو فى اى حاجة فى العربية خايف عليها شيلها (فلوس أو اى اشياء اخرى )ورفع المسااحة علشان الواقين ييجوا وياخدو العربية والسواق جالى الساعة 10.30 وقالى العربية هتستلمها الساعة 2.30 ظهرا وممكن تنتظر فى الاستقبال او فى الكافيتريا وهم هيناوا عليك
اسف على الاطالة بس دى للاعضاء اللى هيروحوا صيانة 1000 كم
امبارح كان الجمعة قعدت فى الاستراحة لحد 11.30 وبعدين ذهبت لصلاة الجمعة ، فى مسجد بجوار غبور بمسافة حوالى 300 م صلينا فيه الجمعة ولاحظت ان اغلب مراكز الخدمة فى نفس الطريق (تويوتا - بى أم دابليو -نيسان )
رجعت من الصلاة وقعدت نص ساعة وقلت اسال عن العربية ، مهندس الاستقبال قالى خلصت وعاوزين 118 جنية تكلفة الزيت والفلتر تدغعهم فى الخزنة وتستلم عربيك من الباب الثانى (مكتب الجودة دفعت الفلوس واخدت الايصال ورحت استلمت المفتاح من الباب التانى واستلمت العربية وخرجت بيها
وكان انطباعى
العربية شكل تانى خالص
عملوا كل الحاجات اللى قلت عليها
وجربت كل الحاجات التى كنت قلت لهم عليها وبقت تمام التمام
اسف مرة اخرى على الاطالة
م.عصام مهنى

رد: تجربتى مع صيانة 1000 كم فى أبو رواش
 

رد: تجربتى مع صيانة 1000 كم فى أبو رواش
 

الله يبارك فيك وشكرا ع الرد الجميل
النترا عربية جميلة
انا عرفت ان موتورها هو نفس موتور الفيرنا
موتور قوى
المانيوال فى الكورى احسن من الاتوماتيك
الاتوماتيك فى الكورى فين ناس كتير مش مبسوطة منه
انا كنت هجيب الفيرنا اتوماتيك بس فى ناس كتير على دراية كبيرة بالعربيات قالولى هات مانيوال افضل
بس ياريت تقرأ المواضيع اللى فى المنتدى عن النترا اكيد فى اخوة افاضل فى المنتدى هيفيدوك عنى

م.عصام مهنى

رد: تجربتى مع صيانة 1000 كم فى أبو رواش
 

الف مبروك على الصيانة و ربنا يحفظهالك .
بس احب اوضخ ان موتور الانترا فئة cvvt ، و موتور الفيرنا dohc . يعنى فئتين مختلفتين .
و مرة تانية مبروك على العربية .

رد: تجربتى مع صيانة 1000 كم فى أبو رواش
 

الف مبروك ياباشا
رنبا يديك خيرها ويكفيك شرها وعقبال صيانة 1000 الف كيلو (يعنى مليون)