مصر موتورز مجتمع السيارات - سيراتو كوبيه ( بالحجز ) والاستلام بعد 3 اشهر !!

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - سيراتو كوبيه ( بالحجز ) والاستلام بعد 3 اشهر !! (https://www.masrmotors.com/vb/showthread.php?t=22464)

سيراتو كوبيه ( بالحجز ) والاستلام بعد 3 اشهر !!

مساء الفل , الصراحه المنتدى رااائع

بعد شهر تقريبا من الحيره قررت اشترى سيراتو كوبيه ( تصميم رهيب - سعر ممتاز - اداء معقول ) , اتصلت بالتوكيل النهارده بستفسر عن السياره وفوجئت بطول مده الانتظار , من شهرين لـ 3 اشهر بعد دفع مبلغ التعاقد 20 الف جنيه .

الصراحه انصدمت !

قرأت موضوع فى المنتدى عن معرض محمد زكى , اتصلت بيه وقالى بعد 3 اسابيع او شهر بالكثير وهى مده معقوله جدا لكن انا عندى سؤال , هل هناك اى اختلاف ( الضمان مثلا ) بين التوكيل EIT والمعارض الاخرى ؟

وإيه هى المعارض الأخرى الى ممكن الاقى فيها العربيه موجوده ؟

شكرا : ))

رد: سيراتو كوبيه ( بالحجز ) والاستلام بعد 3 اشهر !!

مساء الخير واهلا بيك فى مصر موتورز

لو على الاستلام الاسرع والكماليات ممكن تتابع عروض الوكلاء والموزعين سواء المعتمدين او اللى بيجيبو خليجى هنا فى الموقع او فى الاهرام وهما كتير مش ديه القضيه بس المهم انت الاول تحدد عايز ضمان وكيل ولا ضمان ممتد تشتريه بخلاف قيمة السيارة ولا من غير ضمان علشان النقطه ديه هتحدد كل حاجة بعد كده

دلوقتى ممكن تشترى خليجى وتشترى ضمان او المعرض ايا كان يشتريلك ضمان من شركات الضمان وديه بيبقى عندها مراكز خدمة او بتضمن فى مراكز معتمدة من التوكيل او الوكيل نفسه فلازم تقرر الاول قصه الضمان ديه

رد: سيراتو كوبيه ( بالحجز ) والاستلام بعد 3 اشهر !!

الله ينور عليك يا وائل باشا فعلا زي ما قال الاستاذ وائل لازم تحدد انتا عايز ايه بالظبط

رد: سيراتو كوبيه ( بالحجز ) والاستلام بعد 3 اشهر !!

اقتباس:

المشاركة الأصلية كتبت بواسطة AboNoRa (المشاركة 152334)

مساء الخير واهلا بيك فى مصر موتورز

أهلا بيك

اقتباس:

لو على الاستلام الاسرع والكماليات ممكن تتابع عروض الوكلاء والموزعين سواء المعتمدين او اللى بيجيبو خليجى هنا فى الموقع او فى الاهرام وهما كتير مش ديه القضيه بس المهم انت الاول تحدد عايز ضمان وكيل ولا ضمان ممتد تشتريه بخلاف قيمة السيارة ولا من غير ضمان علشان النقطه ديه هتحدد كل حاجة بعد كده

شكرا على التوضيح بس فى نقطه متوهانى , دايما بقرأ كلمه خليجى فى وسط مناقشات السيراتو ومش بفهم ايه الفرق بين النوع ده والمصرى من التوكيل , مفيش خبره : ((

اقتباس:

دلوقتى ممكن تشترى خليجى وتشترى ضمان او المعرض ايا كان يشتريلك ضمان من شركات الضمان وديه بيبقى عندها مراكز خدمة او بتضمن فى مراكز معتمدة من التوكيل او الوكيل نفسه فلازم تقرر الاول قصه الضمان ديه

كنت بفكر اشترى من معرض , بتهيألى يبقى لازم اشترى ضمان .

رد: سيراتو كوبيه ( بالحجز ) والاستلام بعد 3 اشهر !!

اقتباس:

المشاركة الأصلية كتبت بواسطة Persuader (المشاركة 152329)

حضرتك ممكن تقولى عايز عربية اية خليجى ولا وكيل وان شاء الله اساعد حضرتك
للاستفسار السريع
0125485222