برايد سيدان اتوماتيك
 

السلام عليكم
انا ناوي اشتري برايد سيدان اتوماتيك 2000-2001 وكنت عايز اعرف رينج السعر بتاعها كام

وايه اهم عيوبها وهل فيه منها كوري 100% ولا كلها تقفيل مصري

وايه الفرق بين gt , gtx

وساعات بيكون في منها بمرايات كهربا وساعات لا

مستني ردكم ولو في حد عنده عربية كويسة انا مستعد للشرا

رد: برايد سيدان اتوماتيك
 

خط انتاج البرايد كله سواء سيدان او هاتش باك اتباع لايران سنه 2000 وكل ما بعد سنه 2000 جاى من ايران واتقفل فى الهئية العربية للتصنيع AAV او ستوك
اما بخصوص الكماليات فانا مشوفتش لحد دلوقتى اى موديل برايد بمرايات كهرباء فروق الكماليات بتبقى فى الاريال الكهرباء ومزيل الضباب فى الزجاج الخفى والستوب والسبويلر والجنوط والتكييف والساعة اللى فى التابلوه وكل الموديلات الدريكسيون قابل لتعديل وضعيته

رد: برايد سيدان اتوماتيك
 

شكرا جزيلا على الرد
بس انا شفت عربيات بمرابات كهربا واصحابها بيقولوا انها كوري
وكنت عايز اعرف الاوتوماتيك اخباره ايه وهل له عيوب ولا زيه زي المانيوال
ورنج السعر

رد: برايد سيدان اتوماتيك
 

اولا انا اسف علي تاخير الرد
العربية البرايد سيدان عربية جميله جدا وزي ما قال الاستاذ الفاضل ابو نورا مفيش عربية برايد سيدان بمرايات كهرباء وومكن العربية ال انت شفتها يكون مركبلها مرايات كهرباء
عيب العربية البرايد الاوتوماتيك لما تشغل التكييف بتحس ان العربية مش عاوزة تمشي وصوت الموتور عالي جدا بصراحة دة كان عيبها الوحيد معايا لان العربية دي كانت معايا
وربنا معاك

رد: برايد سيدان اتوماتيك
 

علي فكر العربية البرايد ليها زي ما تقول كدة روزته تجميه كهرباء
ودي بتكون تقريبا علي ما اتذكر جانب البطارية
لو اشتريت العربية دي خلي بالك وانت بتغسل الحوض