مصر موتورز مجتمع السيارات - عايز اجيب عربية من 55 الى 65 الف قديم او جديد

اخوانى الاعزاء
ده اول موضوع اكتبه والموضوع ليس للأستفسار البسيط ولكن للحديث بعقلانية مع ابداء الأسباب وليكون مرجع كبير لشريحة كبيرة فى نفس المستوى تريد التقييم العادل دون التحيز لماركة او رأى سمعه
وبلاش خليك فى الكورى اصل احنا نعرفه وبقاله كتير وكده !!!!!
اللانوس اللى بقالها 100 سنة نفس الشكل و منتشرة فى مصر يبقى تجيبها وانت مغمض !!!!
ولا احنا هنا فى مصر اخدنا على العربيات اللى تفضل بشكلها وادائها 100 سنة لما تبقى شكلها غلس وكل اللى حواليها بقى اطباق طائرة
العربيات دى ممكن تكون نجحت فى عصرها واوانها لكن اول لما نزلت كانت جديدة ما كانتش بقالها فى السوق كام سنة ومع ذلك انتشرت تقدرو تقولولى ايه السبب
بيتهيئلى اللى بيتكلم فى سياسة اللى نعرفه احسن من اللى منعرفوش ده عنده عدوى من السياسة السلبية المستطوطنة فى عقول المصريين من سنين
ايه اللى يمنع ان الجديد يكون احسن يعنى ممكن اعرف ؟؟!!!!!

اسف للكلام اللى سبق لو هيضايق حد لكن ارجو من المعلق الاقناع وليس بلاها نادية خد سوسو ptmnlo123per1106
طبعا الدكتور تامر المحترم جدا كان رد عليا وانا عايزه يرد تانى هنا لان رأيه عندى ب 100 رأى قصاده
واتمنى كل الناس تعلق بس بابداء الأسباب لو سمحتم وجزاكم الله خيرا

السيارت فى هذه الحدود مستعمل :
لانسر و كرولا وصنى ( وانا مش متحيزلهم لانهم واطيين على الأرض و فى العيلة هنزحف والحمد لله )
بيجو 405 و 406 مهمة جدا 2002 + 2003 وتويوتا يارس 2006 +07 اوبل أسترا 2004
( يعنى الدنيا نصف نصف )
جيب شيروكى 97+98 زلموكة 87 لغاية 93 ( وعلى فكرة من 3 شهور اتباعت واحد 93 قدامى على 65000 وللأسف مكانتش الأمور متيسرة اوى انا ميال اكتر شىء للأثنين دول )

الجديد :
لانوس ولوجان واسبيرانزا 516

كل ده من البحث والتحرى فى حدود الأسعار
معلومتين مهمين :
1 - انا ممكن خلال سنة ممكن احط عليها واعلى فبالتالى الجديد هيحكم الموضوع ده
2- دى اول عربية بتاعتى بس طبعا والدى كان معاه 128 + بويك + بيجو 505 وكلهم اول لما طلعوا
وانا استريحت او فى البويك اولا والبيجو وعمرى ما استريحت فى الفيات

اسف طولت عليكم بس انتم كلكم اكيد عارفين الفلوس دى الواحد عايز يحطهم فى عربية فيها كل المميزات واقل العيوب

فى انتظار الردود وجزاكم الله عنا خيرا

للأسف نسيت اضافة استطلاع رأى لهذا الموضوع ptmnlo123per111