صيانة ال 80 الف
 

السلام عليكم

رحت امبارح عملت صيانة ال 80 الف كم فى مركز خدمة غمرة
و اليكم اسعار بعض قطع الغيار :-

- فلتر الزيت 50 جنيه
- جالون زيت موبيل 1 بــ 215 جنيه
- طقم بوجيهات بــ 100 جنيه
- تنظيف بوابة البنزين 250 جنيه

- طقم تيل فرامل امامى 400 جنيه
- فلتر بنزين 700 جنيه
- طقم قواعد موتور 1500 جنيه نالمصنعية
- كاوتش المقصات بــ حوالى 500 جنيه

و فيه شوية حاجات كدة انا مش فاكرها و المهم انى دفعت 4600 جنيه فى النهاية منهم 600 جنيه مصنعية بس ptmnlo123per1106

انا اتروقت فعلا :00020080: :crazyW14: ptmnlo123per127

رد: صيانة ال 80 الف
 

طيب بعد اذنك مش كنت تعرفنا ماركة العربية ايه
انا عارف طبعا انك اكيد ناسى



تحياتى للجميع

رد: صيانة ال 80 الف
 

معلش ياريت تقلنا العربية اية بالضبط وموديل كام والحاجات اللى اتغيرت انت اللى طلبت تغيرها

ولا هم وحاسس انك دفعت كتير فى اية بالضبط خصوصا ً انا معى لانسر 2010 وعاملة 10 الاف كم

وناوى اعمل صيانة الـ 10 فالتوكيل ان شاء الله اليومين دول يعنى الواحد ياخد بالة من اية

والعربية اللى معاك كان عليها ضمان ام لا ؟

مع الشكر

رد: صيانة ال 80 الف
 

انا اسف نسيت :HAPPY_~211:
لانسر 2008 1300 بومة خليجى
فلتر بنزين 700 جنيه ................... انا اسف الفلتر بـ 450 و بيتغير كل 40 الف
الصيانة الاصلية تكلف 2800 جنيه بس انا غيرت قواعد الموتور و كاوتش المقصات و ده اللى غلى الموضوع كده

10 الاف كم حتغير زيت و فلتر بس ان شاء الله
20 الف كم حتغير زيت و فلتر و تيل
30 الف كم حتغير زيت و فلتر
40 الف كم حتغير زيت و فلتر و تيل و بوجيهات و فلتر بنزين و هواء
50 الف كم حتغير زيت و فلتر
60 الف كم حتغير زيت و فلتر و تيل و فلتر بنزين و هواء و فيه حاجات مش فاكرها
70 الف كم حتغير زيت و فلتر
80 الف كم حتغير زيت و فلتر و تيل و بوجيهات و فلتر بنزين و هواء و طقم سيور

و ربنا يباركلك فى عربيتك

عربيتى قالولى ليها ضمان 100 الف كم و كتيب الصيانة مكتوب فيه كده بس فى الصيانة لقيت ان ضمانى 60 الف بس

اتا شايف المصنعية غالية شوية

مركز خدمة غمرة زى ورشة الميكانيكا العادية اخر هرجلة و عدم نظام و متنساش تغمز الصنايعى بـ 50 حنيه فى ايده لما تخلص و ممكن تغمز المهندس ب 50 فى ايده هو كمان عادى جدا و سلامات يا توكيل :angel2W22:

رد: صيانة ال 80 الف
 

شكرا ً استاذ /احمد على الرد

وانا معى لانسر 2010 خليجى دبى 1600 وضمانها 60 الف كم

وياريت اعرف ان كنت عملت الصيانة كل 10 الاف كم ولا الموضوع دة مبيفرقش ؟

وهل حسيت ان الصيانة مهمة وضرورية ؟ يعنى فالعربية بتحس ان الصيانة لها ثأثير ام لا ؟

على فكرة انا معملتش صيانة الالف الاولى لكنى غيرت زيت وفلتر واشتريتهم من مركز صيانة امبابة

هل تربيط العفشة فالعربية وهى جديدة مهم ام لا ؟

فى انتظار ردك من خلال تجربتك مع الشكر