|
حجزت فرنا.. حستلم معاها ايه (عدة وأوراق) ؟ وتنصحوني بإيه؟؟
السلام عليكم وارحة الله وبركاته
الأخوة الأعضاء .... باركولي ... انا حجزت فرنا من توكيل غبور نفسه اللي في وسط البلد بس عاوز أعرف منكم... إيه الأوراق اللي المفروض استلمها مع العربية بالتحديد ؟؟ وكمان تنصحوني بإيه عند الاستلام؟؟؟ وشكراً ptmnlo123per122 |
رد: حجزت فرنا.. حستلم معاها ايه (عدة وأوراق) ؟ وتنصحوني بإيه؟؟
الف الف مبروك عليك السياره
الله يعطيك خيرها ويكفيك شرها هل حجزت فيرنا ستار ولا العاديه وكام سعرها ؟ |
رد: حجزت فرنا.. حستلم معاها ايه (عدة وأوراق) ؟ وتنصحوني بإيه؟؟
فرنا العادية فول اوبشن ب 67500 من توكيل غبور الي في شارع عماد الدين بوسط البلد يوم الجمعة بعد الصلاة :HAPPY_~211:
بس يارب استلم على خير وميكونش فيه مشاكل لأن دي أول مرة استلم عربية وأول عربية في حياتي أساساً .... ادعولي وياريت حد يقول لي ايه اللي المفروض أعمله بالتحديد لأني معرفش حاجة خااااااااااااااااااااالص بكل صراحة... وسمعت اني المفروض اعمل تأمين قبل ما أروح المرور أرخص وانا مش عارف الحاجات دي ببتعمل إزاي... بصراحة انا مش عارف اي حاجة في أي حاجة... ممكن حد يفيدني ؟؟؟ وشكراً |
رد: حجزت فرنا.. حستلم معاها ايه (عدة وأوراق) ؟ وتنصحوني بإيه؟؟
الترخيص سنة كلفني حوالى 500 جنيه
وهتستلم من المرور المثلث وشنطة الأسعافات وغبور هيديلك الصليبة والكوريك ومفك عادة -صليبة وبس |
رد: حجزت فرنا.. حستلم معاها ايه (عدة وأوراق) ؟ وتنصحوني بإيه؟؟
الله اكبر فيرناوي جديد ظهر يا جداعان ربنا يديك خيرها ويكفيك شرها المهم يا جميل هتستلم مع العربية طبعا العدة كوريك ومفك عادة وصليبة ومفتاح الكوريك وكتالوج السيارة وضمان البطارية وضمان الكاسيت والولاعه والكاسيت وقبل ما تتحرك بيها تفحصها حته حته في الصاج لتكون واخده خدش كدا ولا كدا وبعدين تجرب الاشارات والتكييف والكاسيت والانوار وتبص علي الاستبن ولازم تشوف الزجاج الكهرباء بالكامل وتختبره وهتستلم جواب من الشركة ده عبارة عن تصريح بالسير لمدة 24 ساعة لحد ما ترخص السيارة .
بالنسبة لموضوع المرور ده التامين اللي انتا بتتكلم عليه ده ملهوش دعوه بتامين المرور لو امنت 100 تامين بره لازم تامن بردك في المرور عمتا انتا هتدخلك في حوالي 600 جنيه بالطفاية والترخيص بالكامل واستلام الارقام ولو انتا شاري العربية كاش مش لازم تامن عليها لكن لو قسط لازم تامن عليها في اي شركة تامين غير تامين المرور علشان تكون عارف |
| الساعة الآن 09:15 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017