عايز رائيكم بصراحة
 

انا روحت امبارح لمركز ظبط زوايا علشان اظبط زوايا العربية عندي وارصص الكاوتش فلما قولت للمهندس اني ظبط الزوايا كذا مرة ورصصت كذا مرة وبردك العربية بتحدف شوية يمين وشوية شمال وبعد 120 رجه فيه جامده في الدوسات وعجلة القيادة فقلي ده عيب الجنوط بتاعت الفيرنا انها مصري ومبتبقاش مظبوطه فقلي لازم تغير طقم الجنوط اللي عندك فقولتله طيب والاحسن ايه الجنط 13 ولا ال 14 قالي ال 14 هيكون افضل وهيديك ثبات افضل وقلي انه عنده توكيل للماليزي والتايواني وعنده صيني بس هوه قالي الماليزي كويس جدا وقلي الطقم هيعمل 1200 جنيه والكاوتش بتاعه هيعمل 1040 وقالي لو هتديني الكوتش بتاعك بالجنوط هيبقي الحساب 1840 قالي هحسبلك الجنوط بالكاوتش 400 جنيه فهل الثمن ده كدا كويس مع العلم ان الكوتش لسه معملش في العربية عندي 10000 كيلو
فياريت لو حد عنده معلومه يا ريت يقولي والعربية بتاعتي فيرنا 2009

رد: عايز رائيكم بصراحة
 

الاخ الفاضل
1- غير صحيح علي الاطلاق ان هناك عيب في جنوط السيارة الفيرنا و ليس هذا سبب الرجة
2- لاداعي لتغيير الجنط قد تحتاج لاستشارة مهندس أخر قبل عمل الاتي :-
* قد تحتاج لتغيير الكاوتش فقط
* ولكن اذا كنت ترغب في تغيير الجنط عليك الاهتمام بوزن الجنط و المقاس المكتوب في دليل المستخدم الذذي استلمته مع السيارة بشرط أن يكون وزن الجنط خفيف حتي لا يؤثر علي عفشة السيارة .

وبالنسبة للأسعار
أعذرني لا استطيع افادتك في هذا الموضوع

رد: عايز رائيكم بصراحة
 

انا غيرت الكاوتش بالكامل بعد ما عملت 4000 كيلو بالكاوتش القديم ونفس المشكلة موجودة وبعدين انا بصيت جنب الباب عندي علشان الاقي مواصفات الكاوتش عندي ملاقتش حاجه موجودة

رد: عايز رائيكم بصراحة
 

يجب عليك ان تسال فى كذا مكان لان اكيد هتلاقى اختالاف فى الاسعار والمعلومات بتسبه للمشكله

رد: عايز رائيكم بصراحة
 

شكرا للنصيحة وانا فعلا هسئل في كذا مكان بس كانت عايز اعرف حد عمل الحوار ده قبل كدا واعرف ايه النظام اللي مشي عليه وهل كدا الراجل عندي كدا مبالغ في سعر الحاجه عنده ومفطص اسعر الكاوتش والجنوط عندي