ارجو وصف الطريق من اكتوبر لمعرض الكتاب
 

سلام عليكم
ازيكم اخواني بجد كلكم والله وحشني جدا جدا جدا
معلشي انا عارف اني مقصر في التواجد
بس ظروف الدراسه معلشي بقي
كان ليا سؤال معلشي
هو ازاي اروح من اكتوبر لمعرض الكتاب بالعربيه
ياريت لو حد يقدر يوصفلي الطريق
واكون ممنون ليه جدا
معلشي اصلي رايح بكره ومش عارف هاروح ازاي
وجزاكم الله كل خير

رد: ارجو وصف الطريق من اكتوبر لمعرض الكتاب
 

د/ محمد
حمد لله على السلامه
بص انا ممكن افيدك بنسبة 50 % لانى مش دايس فى اكتوبر قوى
بس كل اللى اقدر اقولهولك هو انك لو قدرت توصل بكوبرى 6 اكتوبر عن طريق المحور او وسط البلد فى اتجاه مدينه نصر هتفضل ماشى لغايه ما تنزل نزلة صلاح سالم ودى تعتبر تانى نزله بعد نزلة غمرة
اول ما تنزل من اكتوبر هتلاقى على ايدك اليمين مستشفى العباسية للامراض العقلية ولازق فيها وزارة الاستثمار وبعدين ارض المعارف اللى فيه معرض الكتاب
ولو الباب دا مقفول علشان فيه اصلاحات هناك هتلاقى بعد الباب اللى فى صلاح سالم كوبرى بيقطع الشارع بالعرض دا اسمه كوبرى الفنجرى
ادخل معاه يمين لغايه ما تلاقى على ايدك الشمال دخلة الاستاد ادخل يمين تانى
هتلاقى الباب على ايدك اليمين
يعنى بمجرد انك ما هتنزل من كوبرى اكتوبر وتلاقى بوابه المعرض على يمينك لف مع السور يمين فى يمين لغايه ما تلاقى البوابه التانيه
وربنا معاك

رد: ارجو وصف الطريق من اكتوبر لمعرض الكتاب
 

رد: ارجو وصف الطريق من اكتوبر لمعرض الكتاب
 

الله يكرمكم يارب ويوفقكم
ميرسي يا ميدو باشا
وابو نورا
ديما كده تحرجونا باخلاقكم العاليه
وربنا يوفقنا ونوصل ان شاء الله
جزاكم الله كل خير

رد: ارجو وصف الطريق من اكتوبر لمعرض الكتاب
 

طب ابقى تقولنا بقى اخبار المعرض ايه
تقرير خفيف كده عن التنظيم والاسعار والناس بتشترى ولا بتتفرج بس وكده يعنى