مصر موتورز مجتمع السيارات - محتار اختار بين اللالنترا والنيو اكسنت الجديدة الاسبورت

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

محتار اختار بين اللالنترا والنيو اكسنت الجديدة الاسبورت

الى اهل الخبرة افيدونى
محتار بين النيو اكسنت اسبورت اوتوماتيك والالنترا الاوتوماتيك
وكنت عايز اعرف مميزات كل عربية وعيوبها ptmnlo123per111ptmnlo123p er111

رد: محتار اختار بين اللالنترا والنيو اكسنت الجديدة الاسبورت

سبورت اية يا عم صلى على النبي انت بتصدق دة هي شوية اشتغالات على عتب على سبويلر

الالنترا لو مانيوال احلى بكتير من اكسنت فول ابوشنز

انا معايا العربية ما شاء الله هدوء و واسعة و قوية و استهلاك ممتاز للبنزين و نعومة الاكسنت مش حلوة خالص و العفشة بترزع عشان مساعدينها ناشفين

رد: محتار اختار بين اللالنترا والنيو اكسنت الجديدة الاسبورت

اقتباس:

المشاركة الأصلية كتبت بواسطة MEDHATBLA (المشاركة 131933)

مافيش وجه مقارنة أصلاً ، الأكسنت فئة والإلنترا الفئة الأعلى منها !
بس بردو لو عايز تعرف بعض الفروقات، ممكن أقولك الي أعرفه عنهم :
* المُـصَنـِّع واحد هي شركة هيونداي وأكيد نفس الموتور بس موتور الإلنترا 121 أقوى من النيو أكسنت 112
* الثبات على الطريق في السرعات العالية طبعاً في مصلحة الإلنترا عشان هي الأكبر حجماً
* الفخامة النسبية ووسع الصالون والكنبة الخلفية في صالح الإلنترا
* التابلوه أحسن ومتطور في الإلنترا عن النيو أكسنت

يعني أكيد بشكل ملحوظ هتلاقي الأكسنت حاجة والإلنترا حاجة تانية خالص أعلى منها ، يفرق التمن

رد: محتار اختار بين اللالنترا والنيو اكسنت الجديدة الاسبورت

أنا معايا نيو أكسنت فول أوبشن وعايز اقولك اني برده سوقت الالنترا طبعاً في فرق وقبل ما اركبها وعارف اني في فرق أكيد بس الأكسنت جميلة برده وكل حاجة على أد سعرها لو معاك تجيب الالنتر طبعاً هي تكسب لكن لو التمن هيفرق معاك يبقى هات النيو أكسنت وأنا شخصياً أحب الشكل القديم لان الجديد مش راكب علي بعضه خالص هي أذواق وموضوع الاسبوروت ده مش حقيقي لأنها هي هي القديمة التغير بس في الشكل الخارجي فقط ده حتى محطش چنوط اسبور ده غبور غالباً عنده عداواه مع الچنوط السبور وحاطط في الفيرنا
ستار(طاسات سبور) واسف على الاطالة

رد: محتار اختار بين اللالنترا والنيو اكسنت الجديدة الاسبورت

الاكسنت عربيه حلوه طبعا بس مش سبورت ده استهبال من اونكل غبور
الالنترا افخم بكتير ومافيش مقارنه ثباتها لحد 190 عالى قوى ومن غير جنوط والله انا مزودتش عن كده بصراحه
استهلاك بنزين بالمقارنه بالسيراتو حتى نفس الفئه جميل جدا

اعقلها وتوكل