|
زيت تخليقى وزيت معدنى مش فاهم اى حاجة
دخلت على موقع تانى وياريتنى ما دخلت لقيت ناس عمالة ترغى واحد يقولك زيت تخليقى والتانى يقولك معدنى احسن وواحد يقولك متحطش تخليقى بعد معدنى ومحدش قال اساسا يعنى اية تخليقى ويعنى اية معدنى وانا بصراحة دماغى لفت انا موتورى قديم شوية موديل 94 وبحطلة زيت وطنية الفين كيلو دة تخليقى ولا معدنى وحلو ولا لا وبعدين يعنى اية تخليقى ويعنى اية معدنى ارجو الافااااااااااااااااااااد ة
|
رد: زيت تخليقى وزيت معدنى مش فاهم اى حاجة
شوف يا باشا
كلمة تخليقي و معدني تعتمد علي طريقة صناعة الزيت الزيت المعدني هو زيت من الطبيعه (بترولي) و يضاف إليه إضافات كيميائية لتحسين خواصه أما الزيت التخليقي فهو زيت مبني علي زيت معدني بالإضافة لزيوت مخلقة كيميائيا و إضافات كذلك و تكون خواصه أفضل و لكنه من ناحية أخري ضار بالبيئة أكثر توجد زيوت تخليقية 100% و هي أفضل أداءا و أشد خطرا علي البيئة و كذلك أغلي ثمنا الأسعار السعر ممكن يوضحلك الفرق بغض النظر عن الأسامي الزيت المعدني الكيلو في حدود من 15 إلي 25 جم الزيت التخليقي الكيلو في حدود من 45 إلي 55 جم الزيت التخليقي 100% الكيلو في حدود 130 إلي 150 جم و هو نادر في مصر المسافات: المعدني من 1000 إلي 6000 كم التخليقي 10,000 التخليقي 100% في حدود 25,000 من وجهة نظري الشخصية: بالنسبة لعربيتك خليك في المعدني العادي اللي انت شغال عليه ولا يفضل استخدام التخليقي بالنسبة لعربية جديدة (زيرو) لو استخدامك السنوي أقل من 10,000 كم خليك في المعدني المميز (5,000 كم) لو استخدامك السنوي أعلي من 10,000 كم خليك في التخليقي (10,000 كم) أرجو أن أكون أفدتك |
رد: زيت تخليقى وزيت معدنى مش فاهم اى حاجة
طيب يعنى زيت وطنية دة زيت معدنى؟ ولو معدنى استمر علية وبعدين اية رائيك فى زيت شل الاصفر الناس بتقول علية ممتاز ودة معدنى ولا تخليقى
|
رد: زيت تخليقى وزيت معدنى مش فاهم اى حاجة
ptmnlo123per1127
أنا معرفش وطنية لأنها نادرة جدا في اسكندرية لكن معظم الماركات بتوفر الزيوت العادية و التخليقية و تقدر تعرفعهم من الكم يعني لغاية 2000 كم يبقي معدني عادي لغاية 5000 كم يبقي معدني مميز من أول 10,000 يبقي تخليقي في نصيحة أخيرة ، متغيرش أنواع كتير من الزيوت لنفس المحرك ، حاول تثبت النوع لأن إلتقاء أنواع مختلفة قد يسبب تفاعل بين إضافاتها و تكوين رواسب صلبة |
رد: زيت تخليقى وزيت معدنى مش فاهم اى حاجة
السلام عليكم
عربيتي اكسيل مو 94 اتوماتيك بستعمل زيت متور بترومين اكسترا سوبر الابيض وعاوز اغير النوع يا ترى الى (اسو) ام موبيل XHP علما بانى اعانى برعشه بلمبة الزيت بتظهر وتختفي ع السرعه البطيئة ولما بزود بنزين بتختفي تماما ارجو الافاده ولكم جزيل الشكر |
| الساعة الآن 11:50 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017