مصر موتورز مجتمع السيارات - أرجو الاهتمام سؤال فى الماتريكس

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - أرجو الاهتمام سؤال فى الماتريكس (https://www.masrmotors.com/vb/showthread.php?t=19875)

waleed_fattah

05-02-2010 06:28 PM

أرجو الاهتمام سؤال فى الماتريكس

السلام عليكم جميعا

بحمد الله قررت أشترى ماتريكس 2010 بس محتار أشترى مانيوال ولا أوتوماتيك خايف الأوتوماتيك يطلع عزمها ضعيف من فضلكم اللى جرب الأوتوماتيك منكم أو اللى عنده أوتوماتيك يفيدنى برأيه لأنى مش كل يوم هشترى ومتردد جدا وشكرا مقدما
وبالمناسبة الأسعار فى غبور زي ما هيه المانيوال بـ 88000 والأوتوماتيك بـ 93000 وقالولى مافيش تغيير فى الأسعار

lol64

06-02-2010 07:49 AM

رد: أرجو الاهتمام سؤال فى الماتريكس

ياوليد لو هاتستخدمها فى البلد يبقى الاوتوماتيك احسنلك لو بتزهق من السواقه يبقى الاوتوماتيك انما لو بتسافر كتير زى اخوك علاء المانيوال طبعا ووفر فلوس
غير موضوع الاوتوماتيك والسحب استهلاك البنزين اكتر فى الوتوماتيك من المانيوال
حاجه كمان يااخى انا باقلق من الاوتوماتيك الكورى مش عارف ليه وجايز اكون غلطان الله اعلم

تحياتى

waleed_fattah

06-02-2010 01:08 PM

رد: أرجو الاهتمام سؤال فى الماتريكس

جزاك الله خير يا أخى علاء على اهتمامك بالرد أنا بصراحة هستعملها داخل البلد بس فعلا أنا من رأيك قلقان من الأوتوماتيك فى الماتريكس مش علشان كورى ومع العلم بأن 2010 تركى مش كورى بس لأنى قرأت تقييم الأخ حازم فى تجربته لقيادتها ومقارنته لها بالياريس 1300cc أوتوماتيك وملاحظته أنها ضعيفة فى أدائها وعزمها ولا تقارن بسحب الياريس الـ 1300cc بخلاف الماتريكس المانيوال وحتى اللى معاهم مانيوال شكروا فيها وعلقوا على التقييم بإن المانيوال سحبها وعزمها كويس جدا

echonight

06-02-2010 01:55 PM

رد: أرجو الاهتمام سؤال فى الماتريكس

أنا برضوا رأئي تخليك في المانيوال وياريت لما تجبها تقولنا رائيك فيها لاني عاوز اغير و اجيب ماتركس

waleed_fattah

06-02-2010 03:02 PM

رد: أرجو الاهتمام سؤال فى الماتريكس

شكراً على الاهتمام والرد وإن شاء الله هقولك رأيى فيها قريب

الساعة الآن 12:44 AM.