بعد رحلة البحث صنى ولا أوبترا ومستعجل جدا
 

محتاج عربية ضرورى جدا فى خلال أيام ودخلت المنتدى وقعدت أسأل الناس وأصحابى علشان كان نفسى اجيب سيراتوا كاملة وحسيت انها غالية وبصعوبة اقتنعت اجيب حاجة رخيصة تستحمل بهدلة الشوارع والمشاوير وابتديت مشوار البحث والسؤال بالألنترا والياريس والصنى والأوبترا وموديلات البروتون على اختلاقها والنهارده وبعد زياراتى لكذا معرض سيارات ومنهم المصرية كمان وبعد تجميع كل الأراء فى المنتديات وقفت المقارنة على تلاتة:
نيسان صنى اى أكس وأوبترا وهاتستغربوا اللانوس وبجد محتار بين التلاتة وخصوصا النيسان صنى ولا الأوبترا واللى رشح لى اللانوس علشان هى رخيصة وعملية جدا وكويسة كسيارة واكتر عربية مناسبة للأستخدام فى مصر
ارجوكم انا خلاص جبت اخرى وتعبت وماكنتش فاكر ان الموضوع محير كده ممكن حد ينصحنى بأمانة اجيب ايه :
1- نيسان صنى : عربية كويسة وممتازة وقوية وعيوبها امحصرت فى عيوب التقفيل المصرى والكنبة الضيقة واستهلاك البنزين العالى وتمتاز عن الأوبترا ان فيها اير باج
2- أوبترا عربية شيك وجميلة وقوية ومريحة وكورى بالكامل وعيوبها فى ان العفشة الخلفية ناشفة شوية وقالوا فى التوكيل ان العيب ده بيروح مع الأستخدام
3- اللانوس عربية رخيصة وشغالة ومش وحشة
أرجوكم مستعجل على الرد

حكايتى مع رحلة البحث عن سيارة
 

رد: حكايتى مع رحلة البحث عن سيارة
 

نيسان صنى ياباني وأنضف بكتير من اللانوس من ناحية التقفيل لأن اللانوس تقفيل مصري من 15 سنة فاتوا
والأوبترا برضه جميلة جدا بس راي خليك في الصني

رد: حكايتى مع رحلة البحث عن سيارة
 

متشكر على ردك ومش هانكر انى كمان محتار جدا بين الأتنين وخصوصا انى عايز الأوتوماتيك بس بأمانة النيسان ممكن تقول عليها مصرى مش يابانى مافيش فيها غير الموتور بس هوه اللى يابانى وانا مش بقلل من شأنها بالعكس عربية محترمة وعلشان المقارنة بينهم قريبة انا محتار
لكن اللانوس المقصود من اختيارها فرق سعر وفلوس وعربية مش وحشة بتمنها لكن مش كمقارنة بينهم

رد: بعد رحلة البحث صنى ولا أوبترا ومستعجل جدا
 

عاوز رأي اللانوس
لكذا سبب سيارة عفشته كويسه وموتورها كويس واقتصادي
وقطع غيارها رخيصة وعلي الأقل بتنتج بقالها اكثر من عشر سنوات
فحتي لو ملاقيتش ابها حاجه جدبدة هتلاقي منها استيراد
لكن الاوبترا انا شفت فيها حاجه ان السوست بتاعتها اللي ورا علي طبق مش علي الشاسية ولا المقص فممكن البرومة تاكل الطبق وفجأة تلاقي السست في الأرض
والنسيان حاجتها غالية جدا جدا جدا وضيقة من الخلف ولاحظت فيها مشكلة انها كلها كبالنها بتطقطق حتي الجديد الزيرو
وده رآي الشخصي