ساعدوني.. فليشيا ولا إبيزا ولا أونو (موديلات 97/98) ؟؟
 

يا شباب ساعدوني في الاختيار

عاوز اشتري عربية مستعملة متزيدش عن 32000 جنيه ويا ريت اقل... بس محتار بين

سكودا فليشيا او سيات ابيزا و فيات اونو

انا بصراحة بيتهيألي ان الترتيب السابق ده هو الأفضل صح ؟؟ ولا انا غلطان

انا عاوز عربية شبابية لي ولخطيبتي لكن برضو تنفع للأسرة (والدي ووالدتي الكبار واخويا وكمان السفر لاسكندرية مرة كل شهر او شهرين مثلا للفسحة

انا بصراحة حاسس ان الفيات اونو صغيرة شوية في الحجم علشان كده حستبعدها من المقارنة

اما الابيزا فشكلها روش وهي عربية جامدة بس حاسس انها ضيقة من جوة يعني ممكن تاخد الاسرة كلها بس التلاتة اللي ورا حيكونوا مزنوقين ومش حيحسوا بالراحة خصوصا لو سافرنا مسافة طويلة او في المشاوير الطويلة داخل القاهرة اللي بقت زحمة جدا

انا بصراحة بفكر في الفليشيا لان شكلها حلو ومن جوة برضو شكلها شيك وكمان لاحظت انها اوسع من الابيزا

ده اخنياري بس عاوز اعرف رأيكوا ... هل فعلا الفليشيا هي الأفضل ؟؟؟

وهل قطع غيارها ومصاريف صيانتها عالية ؟؟

وبصفة عامة هل لها اي عيوب ؟؟

بليييييييييييز قولوا لي رأيكم بصراحة

رد: ساعدوني.. فليشيا ولا إبيزا ولا أونو (موديلات 97/98) ؟؟
 

بص انا معايا ايبيزا 93 وشغاله معايا زى الفل وهى كمان 1500 cc على عكس باقى الهاتش باك
وكمان سيستم بورش وعلى فكرة واسعه جدا من جوة وصالونها اكير من البونتو

بس المشكله الوحيده اللى فابلتنى فيها ان قطع غيارها فى القاهرة متوفرة اكتر من اسكندرية
بس 5 سنين معايا شغاله زى الفل

رد: ساعدوني.. فليشيا ولا إبيزا ولا أونو (موديلات 97/98) ؟؟