محتاج نصيحة مهمة جدا جدا ارجوكم
 

<HR style="BACKGROUND-COLOR: #869bbf; COLOR: #869bbf" SIZE=1><!-- / icon and title --><!-- message -->
محتاج اشترى عربية كاملة اوتوماتيك فى خلال اسبوعين وانا ماليش اى خبرة فى السيارات وبقارن بين النيوسيراتو والألنترا والياريس والصنى سوبر صالون والأوبترا ولك العربيات دى اسمع عنهم ميزات وعيوب ماعدا السيراتوا الكل بيشكر فيها وقليل اوى اوى اللى بيعيب فيها بأن العفشة ناشفة لكن الألنترا ناس بتقول ان العفشة خفيفة والثبات والأتزان ضعيف وده نفس العيب اللى سمعته عن الياريس بالأضافة الى انها ضعيفة وخفيفة والصنى الكل بيقول ان مش هى النيسان بتاعة زمان وان التقفيل المصرى سيئ جدا وبالتالى عيوبها كتير والأوبترا كتير بيتشكوا من العفشة الخشنة جدا وعلبة الدريكسيون أرجوكم افيدونى ايه احسن بديل للسيراتوا وايه افضل اختيار من حيث القوة والمتانة والثبات والتوكيل وقطع الغيار ارجوكم انا سجلت فى الموقع مخصوص علشان الاقى حد يفيدنى برأى عملى فنى ولكم جزيل الشكر

رد: محتاج نصيحة مهمة جدا جدا ارجوكم
 

ya basha akeed el elentra de teshelha mn demaghak khales.. we law 3ayez ra2yee el cerato gamda we fakhma we ba3deen el elentra mafehsh aps ela fe el high cateogry ta2reban........

رد: محتاج نصيحة مهمة جدا جدا ارجوكم
 

متشكر جدا على ردك وانا عارف كويس ان السيراتو فخمة وجميلة لكن ناس بتقول برضه ان عفشتها وحشة وان هى والألنترا عربية واحدة تقريبا بس السيراتوا اعلى كماليات بس وده اللى خلانى افكر انى اجيب عربية تانية ارخص من السيراتوا بس تكون كويسة وعلشان كده فكرت فى باقى المقارنات مع الألنترا والياريس والصنى والأوبترا

رد: محتاج نصيحة مهمة جدا جدا ارجوكم
 

الانترا عفشتها خفيفه و ثبات ضعيف !!

اولا الالنترا هي السيراتو ما عدا فرق الشكل !!

و السيراتو متاخده من الالنترا يعني النترا هي الاصل !!

ثانيا الانترا مساعدين غاز مش زيت !! يعني ناشفه و الانترا ثباتها ممتاز بص لعرضها و وزنها و عفشتها و انها مش عالية عن الارض و اتأكد بنفسك غير ان الناس جربتها و قالت ثباتها حلو !

الياريس ثباتها ضعيف اه نظرا لخفة وزنها و ارتفاعها عن الارض

النيسان..ابعد عن اي عربية امتدت لها الايدي المصرية ! ده رأيي الشخصي في اي عربية دخلتها يد مصرية !

و طبعا الكلام اللي انت سمعته عن الانترا خاطئ و مش حقيقي بالمرة و انا في رأيي برشحلك الانترا عربية متجربه و ماشيه بقالها مدة كويسه و طبعا السيراتو تيجي بعدها بالتبعيه لانها نسخه منها من ناحية الميكانيكا

رد: محتاج نصيحة مهمة جدا جدا ارجوكم
 

استاذ محمد اشكرك جدا على نصيحتك وياريت تكمل جميلك وتقولى رأيك فى الأوبترا وتقولى ليه بجد السمعة دى منتشرة على الألنترا ان عفشتها وحشة وثباتها خفيف فى السرعات بعد 120