|
كيف ارفع خرج البطاريه من 12 فولت الى 24 فولت
السلام عليكم ورحمة الله وبركاته
انا يا جماعه ليا سؤال بسيط وياريت الاقى عندكوا الاجابة طبعا زى ما كل الناس عارفه ان البطاريه بتطلع 12 فولت ياترى حد يعرف طريقه ازاى اعلى القيمة دى واخليها 24 علشان محتاج القيمة دى تكون عندى فى العربيه ياريت يا جماعه تفيدونى ولو برضه مفيش حل ياريت تقولولى علشان ابطل تدوير على النت وشكرا ليكم مقدما |
رد: كيف ارفع خرج البطاريه من 12 فولت الى 24 فولت
اقتباس:
عليكم السلام ورحمة الله وبركاته،، نعم هناك وسيلة لرفع الفولت من 12 الى 24 فولت وديه دائرة تسمى step-up voltage converter ممكن تذكر انت عايزها ليه أو عايز تشغل بيها جهاز كام وات يمكن أقدر أساعدك |
رد: كيف ارفع خرج البطاريه من 12 فولت الى 24 فولت
السلام عليكم ورحمة الله وبركاته اولا شكرا جدا على ردك واهتمامك بالسؤال اما بالنسبه لسؤال حضرتك واللى هو انا عايز اشغل جهاز ايه بالظبط هو انا لسه جايب عربيه جديده من حوالى 3 شهور كده وهى موديلها هيونداى ı10 والعربيه دى بتنزل بسماعتين بس مش ب 4 وكمان صوتهم مش قد كده قوى بس هى فيها مكان ل 4 سماعات فانا قولت عايز اركب سماعات نضيفه وكده فسالت قالولى لو ركبتها بره التوكيل هتخرج من الضمان علشان الكهربائى هيليعبلك فى الضفيره وكلام كده كتير فقالولى جيبها من التوكيل وركبها عندهم بصراحه انا مرديتش اسال واروح واجى علشان كل الناس عارفه ان التوكيل اسعاره بتبقى غاليه شويه فانا دورت على حل تانى وهو اللى انا اشغل صب ووفر بالسماعات بتاعته( بتاع الكمبيوتر ) فى العربية انا الحمد لله بفهم شوية فى الكهربا ( الكهربا العاديه بتاعت الاجهزه الكهربائية وكده مش كهراة العربيات) المهم عرفت ان المحول بتاع الصب بياخد 220 فولت من الكهربا العادية وبيخرج 24 فولت DC علشان يغذى بيهم الصب والدائره بتاعته وطبعا ممكن الواحد يقدر يلغى دائرة التحويل دى واوصل 24 فولت على طول وان شاء الله هيشتغل معايا المشكله كلها بقى انى اجيب منين ال 24 دول انا قيست الخرج بتاع مكان الولاعة وطلع 12 فولت ونص بالظبط يعنى حوالى نص المطلوب ياريت اكون قدرت اوصل لحضرتك الحاله اللى انا فيها بالظبط وياريت تقدر تفيدنى الدايره دى بتتباع فين او اماكن تواجدها وبجد اكون متشكر جدا لحضرتك مره تانى |
رد: كيف ارفع خرج البطاريه من 12 فولت الى 24 فولت
يا باشا برضه مهم جدا انك تعرف الصب ووفر كام وات بالضبط، فاذا كان مثلا 200 وات فانت ستحتاج دائرة 250 وات على الأقل لتكون فى الأمان وأظن هذه الدائرة ستكون غالية يعنى أكثر من ألف جنيه، ولكن فيه حل تانى ممكن تشترى AC inverter يعمل على 12 فولت ويخرج 220 فولت وده ممكت تلاقيه فى النخيلى فى باب اللوق وكمان موجود فى راديو شاك بس من 12 فولت ويخرج 110 فولت. وعلى فكرة الـ inverter ممكن يشغل أى جهاز 220 فولت من خلال ولاعة السيارة وممكن تشحن به اللاب توب وخلافة, وممكن تجده من بقدرة من 100 وات الى أكثر من 1000 وات وعلى فكرة بطارية السيارة مش 12 فولت ولكن 13.2 فولت ولكن مجازا يقال انها 12 فولت ولكن اذا كان المحرك فى حالة تشغيل فالفولت حوالى 14 وات |
رد: كيف ارفع خرج البطاريه من 12 فولت الى 24 فولت
بجد متشكر ليك جدا جدا مره تانيه على ردك
بس سؤال صغير لو حضرتك تعرف السعر مثلا ممكن يبقى حوالى اد ايه ابقى متشكر جدا ليك وبجد الف شكره مره تانيه على ردك واهتمامك |
| الساعة الآن 09:52 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017