مصر موتورز مجتمع السيارات - أريد حلا لمشكلتى من ذوى الخبرة؟

أنا امتلك كيا بيكانتو وعندى ترتيلة بالمحرك على السلانسية بس لكن فى المشى مفيش اى حاجه والسحب تمام ودوخت فى التوكيل ومش عارفين يعملوا حاجه كل اللى عليهم ان البيكانتو هى كده علشان مثبتة على ثلاث قواعد للموتور زى ما يكون ان العربية مش بتاعتى بتاعتهم هما وانا معرفشى عنها حاجة مع ان العربية لسة جديدة وعاملة 30000 ك.م وبقالها سنة و نصف المهم هما عملوا كل حاجة فى العربية فى التوكيل ظبطوا التكيهات وغيروا البوجيهات وغيروا الموبينة بموبينة عربية تانيه سليمة وهى زى ما هى وحطوها على الجهاز بتاع كشف الاعطال وملاقوش فيها حاجة وبيحاولوا يقنعونى ان العربية سليمة وطبيعية مع ان العربية اول ما اشترتها مكنش فى الكلام ده خالص الا بعد سنه ونصف ومره واحدة حسيت بالترتيلة واخر حاجة وصلولها ان العيب بالبنزين مع انى بحط بنزين 92 على طول وطبعا اللى قلى كدة الخبير الكورى اللى هناك (قال ان البنزين بتاع مصر مش كويس ساعات بيبقى كويس وساعات كتير وحش وان البنزين عمل كربون على قواعد الصبابات وعلى البساتم وهو ده السبب ان العربية بترتل )ولما مشيت من التوكيل روحت لميكانيكى عنده جهاز كشف الاعطال قالى ان مفيش حاجة عندك فى العربية الا ان (حساس الاكسجين اللى موجود فى الشكمان بيدى قراءات خطأ يعنى بيخرف بس قلى ان دة من البنزين ) وقلى زى ما قلولى فى التوكيل حط بنزين 95 وامشى بيه شوية هيفؤء المكنه والحساس يبدء يقرا صح وان الكربون اللى على الصبابات والبساتم ممكن يروح. وعملت زى ما قلولى حطيت بنزين 95 ومشيت علية وبقالى شهر ماشى علية ولكن العربية زى ما هى وانا خلاص تعبت وجيبى تعب **** وكمان حطيت الاضافة اللى بتتباع فى البنزينة كذا مره والعربية زى ما هى. سؤالى هو هل ممكن للبنزين انت يكون رواسب كربونية فى هذه المدة القصيرة وهل يمكن فك حساس الاكسجين وتنظيفة وتركيبة مره اخرى؟ ارجوكم افيدونى ولكم جزيل الشكر .