مصر موتورز مجتمع السيارات - الى الاستاذ بوب الجامد

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - الى الاستاذ بوب الجامد (https://www.masrmotors.com/vb/showthread.php?t=19193)

الى الاستاذ بوب الجامد

بصراحة انا احب اشكرك على انك رديت عليا لما سألت حضرتك بخصوص الرينبو وكنت عايز اخذ رأى حضرتك فى حاجة كدة فى معرض فى مدينة نصر بيبيع مستعمل وكنت بسأله على رينبو قالى لا عنده كليو فهل الكليو افضل او حتى فى نفس الفئة وهل لها عيوب فادحة وايه رأى حضرتك فى الشراء من المعرض هل هو اضمن من الشراء من الاشخاص تفاديا لما حدث للدكتور احمد ام لا يختلف
اسف على الاطالة

رد: الى الاستاذ بوب الجامد

اقتباس:

المشاركة الأصلية كتبت بواسطة ahmed_el_gende (المشاركة 126268)

بعتذر لحضرتك عن التأخير فى الرد موضوع الكليو الرينبو حضرتك اللى تحدد مش انا
بس كمقارنه سريعه كده
الوسع رينبو
العلو الاتنين زى بعض
الثبات الرينبو بفارق ضئيل
الموتور الكليو احدث وبتخرج احصنه اكتر
السهوله فى الصيانه الرينبو
قطع الغيار الارخص الرينبو
الموديل اكيد الكليو احدث الا لو كانت الكليو الهاتش باك يبقى المقارنه دى كلها هتختلف وهتبقى فى صالح الرينبو
وموضوع المعرض مش كل المعارض بتبقى العربيات بتاعتها وانا تجاربى مع المعارض كانت سيئه فكله محصل بعضه سورى يعنى مع احترامى الشديد لاى تاجر او معرض انما ممكن برضه تلاقى معرض ويكون العن من اشخاص او تلاقى معرض ويكون احسن فى التعامل انت دور على العربيه والمكان اللى تلاقى فيه ربنا يكرم وتكشف وتظبط وتاخد كل احتياطاتك وربنا يسهل ولو وقعت قدامك حاجه وحبيت انى انزل معاك نشوفها مفيش مشاكل يا باشا وربنا يوفقك للى فيه الخير بأذن الله

رد: الى الاستاذ بوب الجامد

الله يكرمك يا استاذ بوب فعلا المسلم اخ المسلم اشكرك على كرم اخلاق حضرتك وجزاك الله عنى كل خير

رد: الى الاستاذ بوب الجامد

اقتباس:

المشاركة الأصلية كتبت بواسطة ahmed_el_gende (المشاركة 126993)

الله يكرمك يا استاذ بوب فعلا المسلم اخ المسلم اشكرك على كرم اخلاق حضرتك وجزاك الله عنى كل خير

الله يكرمك ويوفقك للخير بأذن الله تلاقى عربيه تعجبك