|
من كتر حبى لهوايتى
هو انا مش عارف هواية ولاغواية ولا اية بالظبط عندى اعراض غريبة جداً اول ما اشوف العربية من دول عنيا تبرق ويجينى تناحة متعرفش منين كمان لو كرشة نفس وارتعاش فى النضارة واحس ان نفسى افك العربية دى علشان من زمان انا هويت العربيات بأنواعها مع ان شغلى بعيد عنها خالص لانى بشتغل فى نطاق الهندسة المدنية والمساحة وعندى شركة كمبيوتر ولكن اتمنى فعلا اشتغل فى صيانة السيارات عموما مش عارف الموضوع دة بيلح عليا من فترة فقعدت افكر يا واد تشاور مين تشاور مين كملن تشاور مين مالقيتش حد ممكن يدينى رأى واضح وعن خبرة زيكم والموضوع مطروح ليكم للمناقشة ptmnlo123per122:260309~14 6:ptmnlo123per122:260309~ 146: |
رد: من كتر حبى لهوايتى
ربنا يوفقك للشغل اللى تحبة:waving:
|
رد: من كتر حبى لهوايتى
:) لاء متخافش حالتك مطمئنة لحد دلوقتى بس انصحك تمارس الهوايه ديه فعلياً ومتكبتهاش اكتر من كده :)
بتكلم بجد والله اغلب المهندسين اياً كانت تخصصاتهم هتلاقى عندهم نفس غريزة Destructionال وال Construction وهتلاقيه من صغرة غاوى فك لعب وتركيبها انا كنت نفسى كانت متعتى مع اى لعبة انى افكها ميت حتة (بس مكنتش دايما بعرف ارجعها تانى ptmnlo123per1106) وكنت دايماً بختار اللعبة بناء على توقعى لحجم موتورها فاذا حسيت ان فيها موتور كبير اجيبها العب اجربها وبعدين ابداء فى فك الموتور بتاعها وبعدين يبداء اللعب الحقيقى بالنسبالى باعادة توصيل الموتور بالحجارة الاستمتاع بصوت زنه وهو شغال وبعدين ابداء اخترعله مروحة او حاجة يدورها او احطة فى لعبه تانية وياما حطيت مواتير فى لعب او صناديق مع مروحة ورميتهم من الشباك على امل انهم يطيرو بس للاسف ولا واحدة كانت بتطير هههههههههههههه ياااااااه فكرتنى باللذى مضى :) |
رد: من كتر حبى لهوايتى
اقتباس:
من زمان بقي و انت غاوي تسقيط مواتير يا ابو نوراptmnlo123per145 |
رد: من كتر حبى لهوايتى
خالص الشكر لابو نورا ومشرفنا الغالى حازم خضر بس انا فعلاً مش عارف ابتدى ازاى ولا بأية |
| الساعة الآن 09:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017