جدوى استخدام فرامل ABS,EBD للسرعات اقل من 80 km/hr
 

هل استخدام فرامل ABS,EBD,BA ضرورى للقياده المتانية داخل المدن بحد اقصى للسرعة 80 كم /ساعة.
ما اثار اهتمامى ان بعض الخيارات للسيارات )like Elentra and Sunny( لا يوجد بها غير ABS. على سبيل المثال.

ولكم جزيل الشكر مقدما

رد: جدوى استخدام فرامل ABS,EBD للسرعات اقل من 80 km/hr
 

انظمه الفرامل المختلفه تعمل علي تدعيم السياره و تحسن واضح في السيطره عليها
علي جميع السرعات
لذلك فانها مهمه

رد: جدوى استخدام فرامل ABS,EBD للسرعات اقل من 80 km/hr
 

طبعا ضرورى لو انت بتدور على الامان و السلامة متبخلش بالفلوس
EBD هو موزع الكترونى لقوة الفرملة لكل عجلة على حدى فده بيعطى توقف افضل و تحكم اثناء الفرملة
BA ده نظام اخر رائع لانه بيقيس زمن رفع رجلك من على البنزين و سرعة دوستك على الفرامل و لو حس ان انت بتعل ده بسرعة و هلع فحيقوم يمسك فرامل على الاخر قبل ما تكون انت دوست الفرامل على الاخر و ده بيقلل مسافة التوقف بصورة ملحوظة
ملحوظة ABS رائع
لكن عيبه الوحيد ان وانت ماشى على حصى و بتفرمل حتاخد مسافة اطول من العربية الى من غير ABS علشان تقف ده طبعا فى السرعات القليلة لكن على السرعات العالية ال ABS مهم جدا (حياة او موت) و هو الى حيفرق عن العربية الى مفهاش
علشان كده بعتبرة العيب بسيط جدا لان اخره خبطة بسيطة
يعنى ببساطة العربية الى مفهاش ABS زى الى فيها طالما ان العجل متزحلقش و انت بتفرمل
لكن لو اتزحلق يبقى ال ABS مش حيخليه يتزحلق لانه بيفك الفرامل و يمسكها بتكرار 15 مرة فى الثانية فتحس ان الفرامل بترعش و الABS شغال

نصيحة للى معندوش ABS زى حلاتى لو و انت بتفرمل و العجل اتزحلق ده معناه ان العربية سرعتها مش حتقل و مش حتعرف تحود فابقى احسنلك شيل رجلك بسرعة و دوس تانى و كررها لو حسيت انه اتزحلق تانى
احسن ما تفضل متنح و انت شايف ان انت رايح لابس لابس و متبت على الفرامل لا منها حتقف و لامنها حتعرف تحود

رد: جدوى استخدام فرامل ABS,EBD للسرعات اقل من 80 km/hr
 

انا بشكرك يا استاذ احمد على الشرح الرائع دا
بجد انا استفدت منه جدا

رد: جدوى استخدام فرامل ABS,EBD للسرعات اقل من 80 km/hr
 

و الله يا باشا انا مكنتش اعرف ال EBD بس كنت عارف الاتنين التانيين فدخلت على GOOGLE جبت المعلومات دى لان رايى من زمان ان لو معايا فلوس كتير حجيب المرسيدس اس مش علشان الفشخرة لكن فعلا علشان وسائل الامان الى فيها و ربنا امرنا ان ناخذ بالاسباب