مصر موتورز مجتمع السيارات - سؤال بخصوص شراء سيارة النيو اكسنت

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - سؤال بخصوص شراء سيارة النيو اكسنت (https://www.masrmotors.com/vb/showthread.php?t=18431)

سؤال بخصوص شراء سيارة النيو اكسنت

بسم الله الرحمن الرحيم

وشكرا علي مساعدتكم

رد: سؤال بخصوص شراء سيارة النيو اكسنت

اولا مبروك و يديك خرها و يبعد عنك شرها
اكسنت عربية كويسة و سحبها حلو و عملية
و تقريبا لحد دلوقتي ملهاش عيب

رد: سؤال بخصوص شراء سيارة النيو اكسنت

اقتباس:

المشاركة الأصلية كتبت بواسطة صبرك يارب (المشاركة 121191)

بسم الله الرحمن الرحيم

الحمد لله انا امبارح روحت حجزت النيو اكسنت من التوكيل بسعرها بعد التخفيض بس التوكيل قالي انه هيحجزها وهستلمها من اسبوع لتلاتة بس لازم اكون دفعت كل تمنها قبل ما استلمها باسبوع فهل ده طبيعى اني ادفع فلوسها كلها قلب ما استلمها.

والله ياباشا بخبرتى المتواضعة طالما توكيل وحتاخد وصل باستلام ثمن العربية كامل حيبقى مافيش مشكلة طالما حتاخد وصل موثق ومختوم من الوكيل فمفيش مشكلة واسال برضه تانى والله اعلم

وثانيا: ايه رايكم في العربية وايه احسن مزايا فيها وايه عيوبها بكل صراحة

كل الكلام على العربية دى انه كان فى مشكلة فى الباور قبل 2009 واتحلت خلاص وثانيا بعض الناس بتقول ان قطع غيارها غالية نسبيا بس ياباشا لكن العربية زى الفل واحسن واحدة فى فئتها من حيث الموتور والسعر والامكانيات

وشكرا علي مساعدتكم

وانت تامر بس ياباشا وربنا يباركلك فيها

رد: سؤال بخصوص شراء سيارة النيو اكسنت

عربيه جميله وسحب رائع ومالهاش عيوب غير ضيق الكنبه الورانيه
مبروك عليك وربنا يديلك خيرها ويكفيك شرها

رد: سؤال بخصوص شراء سيارة النيو اكسنت

بالنسبة للاستلام
ده موضوع روتيني مش اكتر و مفيش حاجة تستدعي القلق
هم بردو عملو كده مع زميل ليا
و مبروك عليك مرة تانية و ان شاء الله ربنا يبارك لك فيها
و متنساش تسمي و انت بتستلم و تعمل تشيك عليها في كل حاجة معلش الموضوع هيياخد منك شوية وقت بس هترتاح بعد كده