ادخل هنا و قولنا مشاهداتك و انطباعاتك عن اول يوم فى قانون المرور الجديد
 

اليوم الجمعه 1/8/2008 هو اول يوم لتطبيق قانون الطوارئ الخاص بالمرور .......................
فياريت كل واحد يدخل و يقول انطباعاته و اللى شايفه فى الشارع , بمعنى انه:

هل فعلا يوجد شده فى المرور و اللجان ؟؟

هل يتم توقيف جميع السيارات بلا استثناء ام انه يوجد من يبرز كارنيه الحصانه ( نيابه -داخليه - قوات مسلحه ) فيعدى بدون سحب رخص ؟؟

هل يتواجد الضباط بكثره فعلا بالشوارع ؟؟

هل الميكروباصات و سائقين النقل لسه بيطيروا فى الشوارع ؟؟

هل الميكروباصات لسه فاتحيين ابوابهم و عماليين ينادوا... عتبه.... عتبه ؟؟

ده هايبقى موضوع متجدد ان شاء الله لملاحظه اذا كان يوجد تقدم بالشارع ام لا يزال الحال كما هو عليه فياريت كل واحد يدخل و يقول هو بيشوف ايه و هو فى الشارع من معامله بين اللجان المروريه و المواطنين

رد: ادخل هنا و قولنا مشاهداتك و انطباعاتك عن اول يوم فى قانون المرور الجديد
 

هل فعلا يوجد شده فى المرور و اللجان ؟؟ لاااااااااااااااا ptmnlo123per146

هل يتم توقيف جميع السيارات بلا استثناء ؟ لااااااااااااااااا ptmnlo123per146

ام انه يوجد من يبرز كارنيه الحصانه ( نيابه -داخليه - قوات مسلحه ) فيعدى بدون سحب رخص ؟؟ لسة مشفناش ptmnlo123per169

هل يتواجد الضباط بكثره فعلا بالشوارع ؟؟لاااااااااااااااااا ptmnlo123per146

هل الميكروباصات و سائقين النقل لسه بيطيروا فى الشوارع ؟؟ نعم م م م م م م م ptmnlo123per1133

هل الميكروباصات لسه فاتحيين ابوابهم و عماليين ينادوا... عتبه.... عتبه ؟؟ نعم م م م م م م وكمان بينادو السلام السلام ومرج مرج ptmnlo123per113

رد: ادخل هنا و قولنا مشاهداتك و انطباعاتك عن اول يوم فى قانون المرور الجديد
 

و انا كمان لسه راجع من بره و نفس الردود دى , انا فى الشارع من الساعه 11 ظهرا و كان نفسى اشوف لجنه واحده و لكن مافيش اى حاجه ..... ياترى بكره هايبقى فيه اخبار جديده وللا كان كله كلام فى الهوا !!!!!!!
انا عن نفسى كنت نازل النهارده و فاكر ان الموضوع هايبقى كبير و ما بين كل لجنه و لجنه لجنه و فاكر ان الناس كلها رابطه الحزام و شايله الفيميه و الميكرباصات ملمومه و ماشيه على اليمين و قافلين ابوابهم و مافيش جرى و مافيش عرز ..... لقيت عكس ده كله و الحياه المصريه على طبيعتها حتى الأن .

رد: ادخل هنا و قولنا مشاهداتك و انطباعاتك عن اول يوم فى قانون المرور الجديد
 

أنا لسة راجع من شوية من ميدان الكوربة، وكنت عايز أنزل أجيب طلب، ومفيش أي منفذ إني أركن، ولقيت بصراحة ضباط وأمناء وعساكر بالهبل، فلقيت ناس راكنة صف تاني، فطلعت قدام وركنت صف تاني قدامهم، وقلت للعسكري هنزل أجيب طلب وجاي علطول فهزلي دماغه ماشي يعني، فلما رجعت لقيت الأمين واقف قريب من عربيتي ولقيت مراتي بتقولي ده جه سأل فين الباشا ! قلتله هيجيب حاجة وجاي، فقالتلي بس بص على النمرة وقعد يكتب !!! قلت يا خبر !
رحتله قلتله يا باشا ! أنا كنت نازل أجيب طلب بسرعة واستأذنت من العسكري !! ههههه قالي بقرف: العسكري ؟! عمومًا أنا معملتلكش مخالفة؟، قلتله متشكر جدًا يا باشا !! ومشيت
مع العلم إن مش عندي حزام أمان أصلاً ! فضلاً عن حقيبة إسعافات أولية !! فضلاً عن مثلث عاكس !!! إلخ
فالظاهر إن الوضع سيبقى كما هو عليه !!!

رد: ادخل هنا و قولنا مشاهداتك و انطباعاتك عن اول يوم فى قانون المرور الجديد
 

في اسكندرية تقريبا و لا حاجه