بعد بيجو و ميتسوبيشي الان فولكس و سوزوكي
 

بعد خبر اندماج بيجو و ميتسوبيشي
فولكس و سوزوكي هيشتروا اسهم في بعض و هيتشاركوا في التقنيات

http://news.bbc.co.uk/2/hi/business/8402984.stm

رد: بعد بيجو و ميتسوبيشي الان فولكس و سوزوكي
 

سوزوكي مشهوره بالعربيات الصغيره ... و حتوفر كتير لفولكس باستخدامها لارضيات سوزوكي (platform) .. وطبعا سوزوكي حتستفيد من تقنيه فولكس .. و من فلوسها كمان :)
فولكس بتبذل كل ما في وسعها للتغلب على تويوتا ( بورش الشركه رقم 11 تحت لواء فولكس - الاماروك لمنافسه الهايلوكس - ... و اخيرا سوزوكي )
لكن صعب جدا انها تقدر تنافس تويوتا في امريكا او الخليج .. ونجاحها الاكبر من خلال اسواق الصين و امريكا الجنوبيه ... وطبعا اوروبا ....
وبالتالي محتاجه لاسواق جديده و زياده مبيعات ... و مفيش افضل من سوزوكي تفتح لها الاسواق الناميه و تدخلها اسواق الهند وباقي اسيا ان امكن او تزود حصتها في افريقيا :HAPPY_~211:
عربيات فولكس البرازيليه الحاليه ( باراتي - بوينتر - ... ) لا تحقق النجاح الكافي ... و استخدام خبره سوزوكي في العربيات الصغيره حيفيد فولكس كتير ...


ومش بعيد نسمع عن تعاون بين ماروتي و فولكس لانتاج منافس للتاتا نانو ..


من ناحيه تانيه التعاون الياباني الاوروبي اتجاه لصد الهجوم الاسيوي ( الكوري حاليا و الصيني في المستقبل القريب )

وها هي المانيا تحذو حذو التجربه الفرنسيه من خلال اكبر صانع اوروبي و الأول عالميا للوقت الحالي ...



الف شكر على الخبر يا شريف باشا


وربنا يجعل كلامنا خفييييييف ptmnlo123per1147

رد: بعد بيجو و ميتسوبيشي الان فولكس و سوزوكي
 

رد: بعد بيجو و ميتسوبيشي الان فولكس و سوزوكي
 

حتى الشركات العملاقع عايزه تكبر اكتر
الناس عماله تتقدم من حوالينا و إحنا محلك سر

رد: بعد بيجو و ميتسوبيشي الان فولكس و سوزوكي
 

سامح باشا
كالعاده كلامك في الجون و ميخرش الميه
بالفعل فولكس هتستفيد من سوزوكي لاقتحام اسواق جديدة اهمها الهند اكبر سوق نموا بعد الصين و لصنع عربيات ارخص و ده كله هيصب في ارتفاع المبيعات. ان شاء الله ينوبنا من الحب جانب و نشوف منتجات الكيان الجديد عندنا في اسواقنا