سؤال في زرار مزيل الضباب
سلام عليكم
عمالقه المنتدي الرائع في سؤال كده نتيجه لمعلومه واحد قالهال واحد زميلي قالي ان زرار مزيل الضباب ده غلط علي الازاز هل ده فعلا اكيد ولا ده كلام وخلاص وهو اساسا ليه اي مشكله ولا حاجه ممكن تحصل للازاز وكمان ياريت تقولولي ديناميكيه عمله او اسلوب عمله هو الي لاحظته انها خطوط ممكن تكون بتصدر حراره بسيطه في الخطوط دي فبتختفي الضباب بس لو تفسيري صح ماده غلط فعلا علي الازاز لان الازاز بيكون ساقع وبسخنه وحوليه الجو ساقع العموم ده مجرد تفسيري وانتظر رد الخبراء |
رد: سؤال في زرار مزيل الضباب
ازيك يا دكتور ؟ الصني عامله معاك ايه ؟
الخطوط اللي حضرتك بتقول عليها بتطلع حراره معينه فالميه المتكثفه علي الازاز بتتبخر و طبعا مزيل الصقيع مش غلط و لا حاجه و الا مكنتش محطوطه في كل العربيات و لا ايه ؟ ابقي طمنا علي الصني |
رد: سؤال في زرار مزيل الضباب
والله ياباشا الصني زي ما هي مفيش جديد مستني بس بابا يرجع من السفر علي خير ان شاء الله نروح التوكيل
وتسلم ياباشا لردك |
رد: سؤال في زرار مزيل الضباب
اقتباس:
لما باباك يرجع من السفر بالسلامه و تروح التوكيل ابقي طمنا عملت ايه مع ولاد ال ******** دول |
رد: سؤال في زرار مزيل الضباب
مفتاح الضباب مش غلط ولا حاجة هى عبارة عن زيادة المقاومة للكهرباء وبالتالى بتتحول لصورة حرارية بتبخر الضباب
ولو تلاحظ فى الشماسة ورا هتلاقى فيشة راكبة فى الازاز |
الساعة الآن 09:19 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017