مصر موتورز مجتمع السيارات - معلومة وارجو تصحيحها لو غلط

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - معلومة وارجو تصحيحها لو غلط (https://www.masrmotors.com/vb/showthread.php?t=16333)

معلومة وارجو تصحيحها لو غلط

بسم الله الرحمن الرحيم

كلام ميكانيكى اعرفه بيقولى ان اللانوس 1 افضل من اللانوس 2 عامة

انا خبرتى ابيض فى العربيات ومقبل على الشراء

بيجى قدامى اعلانات للانوس 2 وبطنشها

لو المعلومة غلط ارجو التوضيح ليا عشان افهم

رد: معلومة وارجو تصحيحها لو غلط

الفيات 1100 احسن من الفيات R اللي نزلت بعدها و كانوا بيقولوا( العار ولا الR!!!!!!)
و الفيات R HPسن من ال 128
و ال128 العاده احسن من ال128 المعدل
و ال 132 GLS احسن بكتتير من ال 132 2000
و البيجو 504 تضرب ال 505 بالجزمه و ال505 بديل ال 504 عربيه ما تسواش
و المرسيدس التمساحه احسن من الزلموكه
و الزلموكه اخر عربيه مرسيدس عملتها و العيون ما تساوش رفرف في الزلموكه

يا تري لاحظت حاجه من اللي فوق دا؟؟؟
هي دي عاده الشعب المصري دائما القديم احلي من الجديد
لاننا شعب بنحب القديم و بنكره الجديد.
و نفس الحال مع اللانوس 1 و 2
الاتنين نفس الموتور و نفس الشاسيه و نفس العفشه و نفس كل حاجه باختلاف شويه فوانيس
و بعض التفاصيل الهايفه .
يبقي بقي ايه اللي فضل اللانوس 1 عن اللانوس 2؟؟!!!!!!!!!!!
انا بحب شكل اللانوس واحد اكتر فعلا لان شكلها من ورا كان حلو قبل ما جاجوار ترفع عليهم قضيه
للتشابه الفظيع مع احدي مويلاتها و دا سبب الخلفيه الغريبه للانوس 2.
من رأيي العغربيه اللي تشوفها كويسه توكل علي الله و اشتريها
بدون النظر الي ان دي لانوس 1 ولاا 2

رد: معلومة وارجو تصحيحها لو غلط

الاتنين واحد اصلا بفرق فوانيس و فرش ابواب و كلام من ده ! بس لانوس 1 في منها كوري لانوس 2 كلها تقفيل و تجميع مصري

رد: معلومة وارجو تصحيحها لو غلط

يا باشا لانوس1 و لانوس2 عربيه واحده
نفس الشاسيه و الموتور و الفتيس و العفشه و البودى و اختلافات بسيطه جداً فى الشكل فقط
الميكانيكى ده بيفتى

رد: معلومة وارجو تصحيحها لو غلط

شكرا على ردكم اللى يريح الواحد

وان شاء الله ربنا يسهل والواحد يرسى على عربية حالتها نظيفة

وشكرا ليكم مرة تانية