|
الاسبرانزا والكيا بيكانتو
ايه رأيكم فى الاسبرانزا 113 والكيا بيكانتو
طبعا هاتقولوا الكيا بيكانتو بس فى فرق سعر 10000 وكمان الاسبرانزا 1300 سي سي والكيا بيكانتو 1100 بس عايزة اعرف رأيكم فيهم وفى الوكيل ومراكز الخدمة انا مشاويرى من مدينة نصر لحد مدينة العبور ياريت تفيدونى فى الاسبرانزا انا سمعت من ناس انها كويسة وناس تانية قالوا ان مشاكلها بتبان بعد سنتين |
رد: الاسبرانزا والكيا بيكانتو
حضرتك الاسبرنزا كويسه جدا 1300 سى سى فا هتنفع حضرتك فى المشوار ده انا من راى الشخص الاسبرانزا
|
رد: الاسبرانزا والكيا بيكانتو
العربيتين شكلهم جميل و قطع غيارهم غاليه
محرك الاسبيرانزا اكبر من محرك البيكانتو خامات و تقفيل البيكانتو افضل من خامات و تقفيل الاسبيرانزا عفشه البيكانتو انعم من عفشه الاسبيرانزا الاسبيرانزا ارخص من البيكانتو فشوفي حضرتك ايه اولوياتك و بعدين قرري |
رد: الاسبرانزا والكيا بيكانتو
البيكانتو كعربيه اوسع و انعم و ثابته اكتر على السرعات و كشكل الإتنين حلوين و كأسعار قطع غيار الإتنين متقاربين بس لازم نعرف ان قطع غيار البيكانتو معمره اكتر اما بالنسبه للموتور صحيح السبيرانزا 1300 سى سى و البيكانتو 1100سى سى بس المواتير الكورى غير الصينى و الأداء فى النهايه لصالح البيكانتو
اما بالنسبه لعمر العربيه و جوده الخامات و التقفيل فهى لصالح البيكانتو ايضاً بالإضافه ان البيكانتو علربيه موجوده من فتره فى السوق و قطع غيارها متوفره و سعر إعاده بيع جيد و عربيه لم تظهر بها اى مشاكل على عكس السبيرانزا الى اختلف عليها الناس مابين جيده و سيئه انا افضل البيكانتو |
رد: الاسبرانزا والكيا بيكانتو
دا يرجع لاستخدامك للعربيه
انا من رأيي البيكانتو افضل من الاسبرانزا بس لو مشاوريك قليله زي ما بتقولي انا شايف الاسبرانزا مناسبه ليكي اكتر علشان مش حتتعب معاكي و حتعيش اما اللي بيقول مشاكلها تظهر كمان سنتين فالعربيه بقالها في السوق سنه فقط عرف ازاي انها حتظهر كمان سنتين:)؟؟ |
| الساعة الآن 03:31 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017