مصر موتورز مجتمع السيارات

السلام عليكم و رحمة الله و بركاته

أمبارح صحيت م النوم لقيتني مخنوق...
و رحت الشغل و أنا مخنوق...
الظهر أدن و رحت أصلي ...
بعد الصلاه الشيخ قالي مالك؟؟
أنت منمتش كويس .. و لا سهرت كتير .. و لا حكايتك أيه.. ؟؟
قلتله : حال البلد محيرني و مخوفني..
أحنا رايحين على فين..؟
قالي : كله بأراده ربنا
الناس مكتوب عليها تعاني
كل شيء مكتوب
لحد هنا و خلص الجد...

يعني ألي بعد كده جد الجد...:HAPPY_~211:

أخدت عربيتي المهكعه و رحت مشوار كده
ورا البنزينه بتاعه هاني رمزي
نزلت م العربيه لقيت الدنيه ضلمت فجأه...
الشمس موجوده
لكن الدنيا ضلمه
أكتشفت أني قصير قوي
بالرغم من أني أطول من ناس كتير
بس العينه الموجوده ف المكان ده أطول يكتييييييييير
( خير...)
قالهالي واحد منهم
قلتله عايز أقالب السلطان
قالي نعم ياخويا ( بصوت كالرعد )
قلت : أقصد أقابل السلطان ... مولانا الملك المعظم
حبيت أقول كلمتين يعدلوا المايله يمكن يعرفوا أني معاهم مش لا سمح الله ..
تصورت لحظتها كل حاجه كنت بسمع عنها ..
هوه أنا كان مخي فين ؟؟؟
لكن
الراجل رفع اللآسلكي و بلغ
و هب لقيت نفسي قدام باب القصر
أصل الموضوع ده - القبض عليا يعني - حصل قبل القصر بييجي محطه...
الباب أتفتح...
حد قال أتفضل...
بيني و بيتكم كنت عايز أفك
لكن لو لفيت ربنا وحده ألي يعلم أيه ألي ممكن يحصل..
و كمان أنا صاغ سليم و مش خايف ..
خالص.. خالص..
دخلت أوضه كده تيجي عشرين متر ف عشرين متر
قعدت .. أخيرآ قعدت..
الباب أتفتح
حد شكله مهم جه... ربنا يستر ..
قالي : خير ( بصوت عالي الظاهر هوه ده الطبيعي هنه.. تقريبآ همه كلهم سمعهم تقيل )
قلت : أبدآ يا باشا..ده أنا كنت عايز...
قال : عايز أيه؟؟
قالها بنفس الصوت العالي مش عارف ليه
و قبل ما أرد ....
قال : عايز تقابل مولانا الملك المعظم
مش كده ؟
قلت : أنا ....أنا يافندم ...
قال : و ماله ...
عندها أنا تنحت .. معقول ممكن أقابله ؟؟
كمل كلامه:مه مولانا فاضي...كل واحد من الرعيه ييجي يتسامر معاه شويه..مه فاضيلكم يا رعاع...

الراجل بيصرخ بعلو صوته لية ...؟؟
بس المهم أني فهمت أنه كان بيتريق علياptmnlo123per1127
أنا معلقتش و قمت من مكاني عشان أروح ...

طبعآ هتسألوني أزاي واحد ذي ده يكلمني و أنا قاعد مكاني؟

أقولكم أن ركبي أنا أصلآ مكنتش لاقيهم ....

المهم
قمت عشان أروح
قالي : على فين ؟
قلت : أروح حضرتك...
قال : هوه دخول الحمام ذي خروجه...ياروح مامه..
خدوه شوفوا مين بعته....
شوفوا مين موله...
شوفوا مين دفعله حق تذكرة الأتوبيس...
قلت : أنا جيت بعربيتي سيادتك ....
معرفش أنا قلتها أذاي
أنا أصلآ دمي هرب من ساعة ما شفته و مكنش في دم يهرب ساعة ما قال خدوه...

المهم
أتنين بهوات مقاس خمسه ف سبعتاشر قالولي أتفضل..
و أشار أحدهم لباب تاني غير ألي كنت دخلت منه...ptmnlo123per144
وجهت حديثي للرجل المهم
: حضرتك أنا خلاص مش عايز حاجه...أنا بس عايز أروح...

وطيت على رجل الراجل أبوسها
لقيت الأتنين التران أقصد البهوات هجموا عليا...
و فجأة كله سكت...
و أن كنت بحاول أوصل لجذمة الراجل عشان أبوسها سمعت ضحكه عاليه....
عاليه قوي
الضحكه دي أنا عارفها...سمعتها قبل كده...
الكل أتسمر في مكانه...وبصراحه أنا خفت أبص...

(( أزيك يا سحس .. عامل أيه ؟))

ده أنا ...طب هوه عرف أسمي منين... و كمان بيدلعني..
خلاص أفرد طولي و أسلم عليه
يدوب رفعت ظهري ..لقيت ييجي خمسه تران هاجمين عليا و دكييني ف الأرض.. و عملوني ذي عود القصب ف مكنه العصير
فكروني بعادل أمام و هوه بيقول النحي نحي نات
(( سيبه يبني .. في أيه ؟ ..))
حسيت أني ممكن أتكلم بعد ما رفعوني بنفس السرعه ..حاجه توماتيكي كده..
قلتله : أزي صحة سعادتك ؟

رد : أنت جي لحد هنا عشان تسأل عن صحتي ؟

لقيت مبدهاش..
قلت أقوله ليه أنا جيت ....و ياريتني جيت من زمان ..ptmnlo123per122

لو مكملتش الكتابه طبعآ أنتم عارفين هتلاقوني فين
بس منصحش حد يسأل عليا...:00020080::0002008 0::00020080: