مصر موتورز مجتمع السيارات - محتاج رأيك : سياره عمليه في حدود 65الف ؟؟

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - محتاج رأيك : سياره عمليه في حدود 65الف ؟؟ (https://www.masrmotors.com/vb/showthread.php?t=15307)

محتاج رأيك : سياره عمليه في حدود 65الف ؟؟

السلام عليكم و رحمة الله

طبعا ما خاب من استشار , و واضح جدا ان حبيايبنا هنا عندهم من الخبرة و المعرفه ما يكفي لافادتي

انا بأذن الله هجيب عربيه اول يناير 2010 في حدود 65 الف جنيه او اقل .. وكنت عايز رأيكم في اختيار العربيه معايا

علشان مطولش عليكم هقولكم احتياجاتي في العربيه اللي تناسبني

1- السعر زي ما قلت 65 الف فيما اقل

2- انا شغلي معتمد على العربيه بصورة اساسيه .. كل يوم مشاوير و لف .. باختصار محتاج عربيه عمليه

3-تكون مريحه .. خصوصا ان التفصيل الصغيره بتفرق معاياptmnlo123per179
4-متينه (تكون عربيه بنت ناس مش بتعمل دقات نقص من اياهم).ptmnlo123per15
5-اقتصاديه في البنزين

6- توكيلها يعتمد عليهptmnlo123per1103
7-قطع غيارها مش فلكيه الاسعار ولا نادره التواجد

مع الاخذ في الاعتبار شويه ملاحظات

اولا دياول مره اشتري عربيه

ثانيا خبرتي في السواقه متواضعهptmnlo123per1140
ثالثا هشتريها تقسيط , فياريت اعرف الاسعار و نظام التقسيط لو انت عندك المعلومه

فيه اراء بتقول ( لوجان, الرينو ساندريو الهاتشباك او" لوجان هاتشباك" , لانوس , فيرنا ,بونتو كلاسيك)

ايه رأيكم في المقترحات دي ؟؟

و لو واحده من العربيات دي انسب ليه ده هتكون ايه و ليه ؟؟

و يا ترى فيه مقترحات تانيه؟؟

قبل الرد .. احب بجد اني اشكرك على اهتمامك ووقتك ptmnlo123per159

رد: محتاج رأيك : سياره عمليه في حدود 65الف ؟؟

بالنسبة للسيدان
الفيرنا و اللانوس كويسين
و بالنسبة للهاتشباك البيكانتو هايلة

رد: محتاج رأيك : سياره عمليه في حدود 65الف ؟؟

حضرتك مقدامكش الا 4 عربيات

هيونداي فيرنا 1.6 لتر مانيوال فول اوبشنز ب 68000 جنيه ( عربيه منتشره اوي و قطع غيارها معقوله وصيانتها سهله و لكن صاجها ضعيف عشان كوري )

هيونداي اي 10 1.1 لتر مانيوال فول اوبشنز ب 64000 جنيه ( عربيه ضعيفه كمحرك و صغيره كحجم و قطع غيارها غاليه نسبيا و لكن الخامات و التقفيل كويسن )

شيفروليه لانوس 1.5 لتر مانيوال فول اوبشنز ب 70000 جنيه ( عربيه منتشره اوي و قطع غيارها معقوله وصيانتها سهله و لكن صاجها ضعيف عشان كوري )

كيا بيكانتو 1.1 لتر مانيوال فول اوبشنز ب 63000 جنيه ( عربيه ضعيفه كمحرك و صغيره كحجم و قطع غيارها غاليه نسبيا و لكن الخامات و التقفيل كويسن )

رينو لوجان 1.6 لتر مانيوال فول اوبشنز ب 67000 جنيه ( عربيه لسه متجربتش و قطع غيارها غاليه حبتين و صيانتها لازم تتم في التوكيل )

اسبيرانزا 516 1.6 لتر مانيوال فول اوبشنز ب 68000 جنيه ( عربيه انتشرت مؤخرا و لكن بلاش منها عشان اعطالها كتير و طبعا صاجها اضعف من الكوري )

فالاختيارات اتحصرت بين الفيرنا و اللانوس
فخليك في الفيرنا عشان ارخص و كمان محركها احدث و اكبر من محرك اللانوس

محرك الفيرنا 1.6 لتر 4 سليندر 2 كامه علويه 16 صباب
محرك اللانوس 1.5 لتر 4 سليندر كامه مفرده 8 صباب

رد: محتاج رأيك : سياره عمليه في حدود 65الف ؟؟

الفيرنا هي الانسب

رد: محتاج رأيك : سياره عمليه في حدود 65الف ؟؟

الفيرنا احسن عربية ليك فى كل اللى طلبته