مصر موتورز مجتمع السيارات - نيسان ام اوبترا ام النترا

الشيفرولية اوبترا اقلهم انتشارا فى مصر وصناعتها صينية فهتبقى اقل درجة فى التلاته

النيسان صنى عربية يابانى بخبرات ومواصفات اوروبية كمان وبالتالى مستوى الجودة محترم كسيارة اقتصادية كمان العربية منتشرة وقطع غيارها وصيانتها بدات تقارب العربيات الكورى

الهيونداى عربية مشهورة بانها ماسكة سعر بقالها فترة وبقت تعامل معامله الكرولا واليابانى كجودة وقلة اعطال وسعر اعادة بيع وده بيخيليها الاختيار السهل للى مش عايز يفكر ولا يخسر كتير

والاهم من كل ده اتعلم واقرا واركب وجرب علشان تحكم بنفسك واللى يقولك العربية ديه لاء او اه قولة ليه واسمع وحكم عقلك علشان كل واحد ليه دماغ غير التانى واحتياجات واولويات مختلفة واللى يناسبنى ممكن ميناسبكش او العكس

تمنايتى بالتوفيق وابقى قولنا قررت تجيب ايه ومتنساش الاستخاره ومبروك مقدما