اكسنت و دايو 1999 اوتوماتيك
 

برجاء من خبراء المنتدى الكرام انا فى طريقى لشراء سياره اوتوماتيك عشان سواقتى على قدى و الفلوس اللى معايا على قدى 45000 جم فقولولى اجيب انهى عربيه فى دول الاكسنت 1999 اتوماتيك ولا الدايو لانوس 1999 اتوماتيك و ايه عيوب و مميزات كل نوع و انا رب اسرة و عمرى 42 عام و طولى 195 سم ووزتى 130 كيل جرام و طبعا المعلومات دى عشان عايز اعرف القاعده فى العربيه هاتيقى مريحه ولا لا و جزاكم الله كل خير

رد: اكسنت و دايو 1999 اوتوماتيك
 

من خبرتى المتواضعه انا جريبت الاتنين
الدايو لانوس اكبر واوسع من الصالون
واقتصاديه واعلا من الاكسنت وقويه مش وحشه
وتقدر تجيبها على 40 او اقل
وبرده الاكسنت مش وحشه بس اصغر واوطا
وان شاء الله الاخوه يفيدوك اكتر منى لما يشوفو مشاركتك
وخليك فى المانوال بلاش اوتوماتيك علشان ما تتعبش فى صيانته

رد: اكسنت و دايو 1999 اوتوماتيك
 

طبعا خليك في اللانوس
قطع غيار ارخص من الاكسنت
اللانوس اعلي و اوسع من الاكسنت
الاكسنت منتشره تاكسي اوي
اللانوس اقل انتشارا كتاكسي و اكثر انتشارا كملاكي
شكل اللانوس افضل من الاكسنت
اللانوس اقوي شويه من الاكسنت
دي وجهه نظري المتواضعه
و ارجو ان اكون قد افدتك و لا تنسي صلاه الاستخاره

رد: اكسنت و دايو 1999 اوتوماتيك
 

بص يا باشا نصيحة اوعي تركب اتوماتك كوري ماعدا بعض العربيات الحديثة زي الالنترا والسيراتو لكن هتركب اكسنت او لانوس اوعي تركب اتوماتك هتغير فتيس كل 100 الف كيلو وطبعا الانوس افضل من الاكسنت كقطع غيار وصالون وعفشة وسعر اعادة البيع واهم حاجة تنتقي العربية النظيفة سواء في الدايو او الاكسنت

رد: اكسنت و دايو 1999 اوتوماتيك
 

الانوس افضل بكتير و اوسع لحضرتك و قطع العغير متوفرة ولو تتغير فتيس كل شوية هتلاقية رخيص
و الماتور اقوى