|
صيانة قليوب أم أبو رواش أفضل؟
الحمد لله فات شهر النهارده على عربيتى الجديدة ال i10 ورغم إنى عملت بيها 600 كم فقط (ومنهم رحلة إلى العين السخنة من مدينة نصر أول امبارح هدفها الاقتراب من ال1000 كم الأولى حتى أذهب إلى الصيانة فى خلال الشهر فقعدنا فى العين السخنة ساعة بس) إلا إنى مفروض أروح للصيانة لإن قال لى الصيانة الأولى تكون بعد أول 1000 كم أو أول شهر أيهما أقل ولازم تكون فى القليوبية أو أبو رواش أول مرة.
السؤال هو: أروح أعمل صيانة ال1000 كم الأولى فى أبو رواش ولا فى قليوب أحسن؟ هل حد جرب قليوب ولقاها أفضل مثلاً؟ أنا كنت ناوى على أبو رواش بس بشاور عقلى دلوقتى إنى أورح قليوب. أنا ساكن فى مدينة نصر على فكره. حد عنده اقتراح ولا كله زى بعضه وقليوب زى أبو رواش بالضبط ما يفرقوش؟ شكراً جداً مقدماً على اقتراحتكم وآراءكم. |
رد: صيانة قليوب أم أبو رواش أفضل؟
الكل بيشكر في ابو رواش
بس انت حتعمل صيانه الالف و الصيانه دي عباره عن فحص للعربيه و اثباتها للحصول علي الضمان و مش بيبقي فيها حاجه فممكن تروح اي مكان مش مشكله اقر مكان ليك روح هناك |
رد: صيانة قليوب أم أبو رواش أفضل؟
قليوب و ابورواش واحد الميزه فى قليوب انها ممكن تكون بتخلص اسرع من ابو رواش
و سعات بتكون اللعن من ابورواش يعنى انت و حظك بصراحه انا افضل قليوب |
رد: صيانة قليوب أم أبو رواش أفضل؟
قليوب ثم قليوب ثم قليوب وده عن تجربة مع ابو رواش
انا روحت عملت صيانة ال 1000 الاولى للفيرنا فى ابو رواش وتقدر حضرتك تشوف الموضوع ده بنفسك واحكم اول تجربة مع توكيل غبور فى صيانة الألف الاولى اما بخصوص قليوب فالضغط عليهم مش كبير زاى ابو رواش وكمان هناك عندهم ضمير شوية وفيه ناس اعرفهم شكرو جدا فى قليوب عن ابو رواش واتعاملو مع الاتنين وبعد صيانة ال 1000 الاولى حضرتك تقدر تروح ابو غالى العبور أو مودرن سيرفيس اللى عند سندباد المطار لمتابعة الصيانة الدورية |
رد: صيانة قليوب أم أبو رواش أفضل؟
وماذا سيحدث فى المره الاولى 1000 كيلو الاولى بالضبط غير اثبات الضمان هل سيتم تغيير زيت وفلتر ام مجرد اثبات للضمان فقط |
| الساعة الآن 05:35 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017