مصر موتورز مجتمع السيارات - الفرق بين الاتوس و الi 10

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - الفرق بين الاتوس و الi 10 (https://www.masrmotors.com/vb/showthread.php?t=14790)

الفرق بين الاتوس و الi 10

السلام عليكم

يا جماعة كنت محتاجه ارائكم انا باذن الله تعالى هشترى عربية جديدة هيونداى اتوس
وبعدين ناس قالولى ان الi10 احسن فانا مش عارفه ايه الفرق مابينهم غير فرق السعر بس
و خصوصا ان ميزانتيى محدودة و هقسط فالاتوس كانت على ادى بس برده بفكر مادام هجيب هجيب حاجة كويسة تعيش معايا كام سنة عقبال ما الواحد ربنا يكرمه و يغيرها
فانا محتاجه ارائكم ايه الفرق بين الاتوس و الi 10
ولكم جزيل الشكر....

رد: الفرق بين الاتوس و الi 10

اهلا و سهلا بيكي يا دودو معانا في مصر موتورز:)
بصي هو الفرق بين الاتوس و الi10
مش فرق كبير للدرجه
الi10 ظهرت كبديله للاتوس و من نفس الفئه
فبالتالي ال i10 احدث من حيث الشكل و التكنولوجيا
و بالتالي افضل من الاتوس بمراحل.
لو حتقدري تجيبي ال i10 و تقرصي علي نفسك هاتيها ومش حتندمي
انما بصراحه شكل الاتوس مش بيعجبني بالمره و لم تحقق اي انتشار يذكر
فبالتالي حتلاقي صعوبه بعد كده في قطع غيارها
بعكس ال i10 اللي انتشرت انتشار فظيع و ليها مستقبل

رد: الفرق بين الاتوس و الi 10

سوري يا جماعة قرات غلط ptmnlo123per144

رد: الفرق بين الاتوس و الi 10

شكرا يا اخ حازم متشكرة على الرد اوى
بس كنت اتمنى اعرف ايه الفرق ياترى كماليات او امكانيات هى بصراحة الاتوس شكلها عجبنى و على اد فلوسى ( على اد لحافك م د رجليك) هههههههههههههههههه
فكنت عايزه اعرف لو ضغطت على نفسى هبقى مستفادة ايه
وشكرا جزيلا

رد: الفرق بين الاتوس و الi 10

اقتباس:

المشاركة الأصلية كتبت بواسطة a7lahamada (المشاركة 90909)

اولا صباح الخير يا دودو انتي بتفكلاي في الانوس والهيونداي i10 اولا من ناحية الوسع لو انتي محتاجة علربية كبيرة وشنطة معقولة تبقي الانوس لان الهيونداي صغيرة يعني تكفي 4 و5 يبقوا مزنقين اما الانوس تاخد 5 في راحة من ناحية التقفيل الانوس متقفلة في مصر في 6 اكتوبر في مصانع منصور شيفورلية اما الهيونداي في مصنع هيونداي في الهند وهية اخذت 4 نجوم في اختبار الامان في اوربا والموتور 1000 سي سي قليل طبعا وخاصة مع تشغيل التكيف في مطالع الكباري وكدة اما الانوس عربية محترمة وكانت معايا ايام ما كانت دايو واعدت معايا 4 سنين زي الفل وموتور 1500 سي سي وفول اوبشن وزي الفل وقطع الغيار يعني سعرها معقول انا ارشحلك لو انتي مش بتحركي كتير ومش عايزة تكاليف تشغيل عالية تبقي الهيونداي لو بتخرجي كتير وبيركب معاكي ناس تبقي الانوس

رأي حضرتك مفيد جدا وأفادني أنا شخصيا

لكن السؤال كان على الـ(لاتـوس) بالتاء مش الـ(لانوس) بالنون
واللاتوس هيونداي زيها زي الI10

وأنا رأي من رأي الخبير Mr.hazem_khidr