مصر موتورز مجتمع السيارات - هاشترى إبيزا 94 محتاج المشورة ضرورى

مصر موتورز مجتمع السيارات (https://www.masrmotors.com/vb/index.php)

- سيات SEAT (https://www.masrmotors.com/vb/forumdisplay.php?f=20)

- - هاشترى إبيزا 94 محتاج المشورة ضرورى (https://www.masrmotors.com/vb/showthread.php?t=14783)

هاشترى إبيزا 94 محتاج المشورة ضرورى

عجبتنى أوى الإبيزا 94 وبرغم ما يقال عن إرتفاع أسعار قطع غيارها
إلا إنى معجب بشكلها وأدائها وناوى على شرائها

بالنسبة لسعرها فى مصر فههو متفاوت بس هو بيلعب فى رنج 27-30 الف

عايز أعرف إيه الحاجات المهمة اللى أبص عليها فى العربية عشان اتأكد إنها تمام

وأساسيات العربية أعرفها إزاى

وانا ناوى أرفعها فى بنزينة فياريت قولولى اعمل إيه بالظبط وعلى ضوء التقرير أفهم إيه

العربية فى منطقة العجوزة فياريت أى بينزينة جيدة من هناك أقدر أقيس فيها كبس الموتور

العربية اللى قدامى معملوها عمرة ولسة خارجة منها ومعملتش الف كيلو وصاحبهبا بيبعها لأغنها مركونة وهى عربية تانية عندو

وسعرها 28 وناوى اتكلم فيها

فلو العربية كلها تمام ما عدا موتورها المتعمر ونزلت فى سعرها يبقى كويس ؟؟؟

حاجة أخيرة هى ولا فيات بونتو 94

مستنى رأى الأفاضل وبالأخص الأخ محمد إبيزا لما لمستة من خبرتة أثناء تصفحى
وشكرا

رد: هاشترى إبيزا 94 محتاج المشورة ضرورى

لو العربيه كلها حالتها ممتازة يعني الدواخل و الخوارج و الصالون و العفشه و هكذا لو الكلام ده مش هيحتاج ربع جنيه مصاريف و فيها تكييف خدها بالرقم ده

بص علي القوايم و الاحواض تحت الكبوت و افتح الشنطه و ارفع الفرش بتاعها و بص تحته بالذات ناحية الاكصدام كده من جوا

مش محتاجة قياس كبس اطلع بيها علي الدائري و جربها في التجميع و السرعة

البونتو حلوه بس اصغر و اخف من الابيزا و ثبات الابيزا افضل

و لما تروح تشوفها ابقي صورها و لو محتاجة حاجة هبقي اقولك الاسعار