|
العربيتين سعر واحد اختار ايه
بسم الله الرحمن الرحيم
اخواني الكرام بدون الاطاله على سيادتكم بعد البحث لقيت سياره سبارك 2010 فبريكا بره وجوه تخلص بـ 40 الف مانوال تكييف والثانيه كرولا 91 فبريكه جوه مانوال تكييف بنفس السعر الاثنين سيارات بيتي من الدرجه الاولى غير مهانه وتاريخهم عندي لانهم لناس معرفه بي افيدوني افادكم الله وللعلم احنا عيله صغيره يادوب 2 ابناء في سن الحضانه مشواري 20 كم يوميا وسفري قليل وشكر لكم جميعا |
رد: العربيتين سعر واحد اختار ايه
الكرولا طبعا مفيش افضل .. عربية يابانى .. مساحة شنطة .. قطع غيار متوفرة اكتر .. صيانة اسهل
|
رد: العربيتين سعر واحد اختار ايه
اقتباس:
هوا فعلا كلام حضرتك انا مقتنع بيه جدا بس فيه واحد من اصحاب الخبره قالي مثل اعلى بالموديل وانزل بالماركه فالصراحه ملقتش غير حضراتكم للافاده ... والله المستعان |
رد: العربيتين سعر واحد اختار ايه
تمام احنا بنتكلم فى موديل فرق وحيد لصالح سبارك
وماركة لصالح التويوتا فئه سيدان مش هتشباك لصالح الكرولا بالاضافة لما سبق مع اعتبار سهولة اعادة البيع للكرولا وكونها ماسكه سعر اكتر وقارن بنفسك اسعار المستعمل وقطع الغيار وقارن ده كله بمتطلباتك واستخدامك هتوصل للافضل ليك انت وللاولوياتك انت وده المهم اولوياتك موديل احدث ولا فئه اعلى ولا عملية واقتصادية الخ الخ انت اللى تحددها |
رد: العربيتين سعر واحد اختار ايه
انا عايز عربيه للعمر...ان شاء الله مش هغير تاني إلا للزيرو لأني كان معايا ريجاتا وبعتها وخسرت كتير وانا فعلا عيلتي صغيره بس بتكبر الحاجه الوحيده إللي شدتني لل سبارك هيه الموديل
فهل يستحق ارتفاع الموديل انه يخليني اتغاضى عن مميزات الياباني إللي حضرتك تفضلت بذكرها اسف للإطاله ... وشكرا |
| الساعة الآن 01:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017