موضوع للنقاش .. اختيار السيارة
 

اعضاء المنتدى الكرام

لاحظت ان كل واحد بيفكر يشتري عربيه جديد أو حتى بيجدد عربيته وبيفكر يغير بيدخل في حيره ودوامات ومناقضات وناس تحببه في العربيه وناس تانيه تكرره فيها وكلام الطرفين بيكون مقنع للأسف!!

من وجهة نظري مفيش عربيه كامله وفيها كل المواصفات اللي اي حد بيدور عليها, ولازم تضحي بكمية من المواصفات اللي بتحلم بيها فـ مهما فكرت ودخلت في صراعات ومقارنات مش هتفيدك ولا هتقودك لانك ترسى على عربيه معينه... وفي النهاريه هتشتري العربيه اللي مكتوبلك تشتريها وتكون شريكة حياتك :loveu:

لو فكرت في عربيه عاليه عن الارض يبقى هتضحي بكميه مش ساهله من الميزانية اللي انت حاططها للعربيه و استهلاك بنزين عالي.

لو فكرت في عربيه شيك وفيها اوبشنز كويسه هتضحي بردو بالميزانية وبقطع الغيار الغاليه نار لانها بتعتبر عربيه محددوه مش شعبيه وغالبا ما هتكون عربيه واطيه من الارض وطول ما انت ماشي على طرق مصر هتبقى عمال تبص يمين وشمال وفوق وتحت علشان الاساتذه السواقين الي حواليك و المطبات والنقر اللي تحتك والست اللي بترمي ميه من فوقك :D ... وغير كل ده لازم هتفكر في مكان امين جدا جدا تركنها فيه علشان هتكون منظوره (صورة) .

لو فكرت في عربيه شعبيه علشان الماديات وقطع الغيار هتضحي بكل المميزا اللي قلنا عليها فوق من تصميم و اوبشنز و علو عن الارض و اي شكل من اشكال الرفاهيه والأمان.

يا ترى انت لما هتفكر ... هتختار ايه ؟؟؟؟

رد: موضوع للنقاش .. اختيار السيارة
 

انا عن نفسى اختار هيونداى والكيا علشان الاقى ليهم قطع غيار وعربيات ماسكة سعر ولو على الكماليات مفيش اكتر منها حسب ميزانيتك وذوقك ركب فلوس كتير