مصر موتورز مجتمع السيارات

على فكرة يا جماعة أنا نفسى أدخل أوتو كروس او اى سباق لانى بحب السواقة جدا
أنا الحمد لله بسوق كويس جدا من وأنا عندى 10 سنين تقريبا
ومن كتر حبى فى السيارات دخلت مدرسة مبارك كول قسم سيارات وإتدربت فى شركة غبور
والشركة البافارية ( BMW ) وشركة الجيزة الوطنية (مرسيدس اللى فى أول شارع التحرير)
وكمان كام مركز صيانة عشان إتعلم ولو حاجات بسيطة عن السيارات
وكنت من العشرة الاوائل على المدرسة اللى كنت فيها
(المفروض العشرة الاوائل بيسافروا المانيا عشان هيا الراعى الرسمى للمشروع )
لكن الحظ عارف صحابو السنة اللى كنت فيها المنحة إتلغت واتخنقت أوى ايامها
لدرجة أنى كنت هدفع لواحد فلوس عشان يطلعلى رخصة وأنا عندى 16 سنة
عشان أحاول انسى موضوع السفر دة بتاع المانيا اللى جه عليا وإتلغى
وانا ان شاء الله يوم 31/10 هكمل ال18 سنة وهعمل الرخصة وأنا عمال أجهز الورق بتاعها
بس للأسف مفيش أى حد بيشجعنى خالص ولا بيحفزنى
كلهم يقولى إجرى يعنى انت هتعرف تعمل حاجة مع الناس اللى بنشوفها فى التلفزيون
بس أخويا قالى طلع الرخصة وانا إن شاء الله أروح عشان أقدم لك وربنا معاك
أنا بتخنق أوى من اللى بيقعد يحبطنى ونفسى اى حد يقدر يساعدنى فى الموضوع دة
يعنى أقدم إزاى وإيه المطلوب وهل فى عربية معينة أدخل بيها ولا أى عربية وأى حاجة تقدر تساعدنى
أنا إن شاء الله أما أطلع الرخصة الخاصة هحاول أعمل الرخصة بتاعت السباقات دى وربنا يسهل
وياريت مكنش خنقتكو من كلامى بس أنا نفسى أى حد يساعدنى فى الموضوع دة
وشكرا ليكو كلكو