عربيتى بتسخن بعد ال 100
 

لو سمحتو حد يفيدنى فى المشكله ديه عربيتى فيرنا موديل 2012
بتسخن فى السرعه بعد ال 100ك
وبسمع صوت فورات فى الاربه و المايه بتخرج بره من الخرطوم الخارجى مع العلم ان لون المايه متغير اصلا لونه محمر هو كده الرداتير باظ ولا ديه مشكلة ايه
و اتاكدت ان المراوح شغاله تمام مفيهاش حاجه

رد: عربيتى بتسخن بعد ال 100
 

محدش هيرد :(

رد: عربيتى بتسخن بعد ال 100
 

بعتذر عن التاخير فى الرد
بصى يا استاذة نهال محتاجين زيارة لبتاع ريداتير ينظفة ويبص على الاتى
يبص على غطاء الريداتير لو عايز يتغير يتغير
يبص على (رقبة) الريداتير لو اللحام بتاعها فك
يبص على القربة نفسها والخراطيم ميكونش فيهم تسريب
فيه مكونات بلاستيك زى شجره المية والمحبس ممكن تكون عايزة تتغير
ترموستات الكوعه
واخيرا طلمبة المية
معلش هى مكونات دورة التبريد كتير وممكن يكون فيه تسريب فى اى جزء فيهم وعايزة صبر ومتابعة لتحديد العيب ومش عايزة تطنيش لان ممكن لاقدر الله السخونة تجيب اجل الموتور
بالنسبة للون المية فيه مية لونها احمر عادى مش معناها انه باظ ولا حاجة هى لونها كده
وممكن نحط بدالها مية خضراء او حتى مية عادية مع اضافات مانع الصداء وعلميا المية العادية خواص التبريد بتاعتها افضل المية الحمراء والخضراء معمولة علشان متتجمدش فى البلاد اللى درجات الحراره بتوصل للتجمد ملهاش ميزة عندنا هنا فى مصر
وطمنينا عملتى ايه

رد: عربيتى بتسخن بعد ال 100
 

شكرا لزوقك هروح لبتاع الريداتير يبص عليها و ارد عليك اكيد :)

رد: عربيتى بتسخن بعد ال 100
 

ان شاء الله حاجة بسيطه بس المهم فى كل خروجه تتابعى كويس مؤشر الحرارة ومتسيبهاش تسخن السخونة مضره جدا للموتور وياريت لو تبصى على المية هل لونها احمر بس ولا فيها فقاقيع بيضاء زى الطحينة كده ولا لاء لو مفيش يبقى لسه الدنيا بخير وياريت تعملي تشيك على العربية بسرعة