الي خبراء الدايو
 

يا جماعه انا بعت الفيرنا بتاعتي بخساره محترمه طبعا و اشتريت دايو جولييت 2 موديل 99 حاله ممتازه و الكل شكر فيها فأي عضو يعرف اي معلومات عنها يقولي ( اي نعم انا بفهم في العربيات بس الدايو عربيه غريبه عني ) فاللي عند معلومات عنها يقولي و اللي يعرف لينكات عن مواضيع عنها يقولي و شكرا مقدما علي الردود و كمان لو اسعار قطع الغيار و هكذا

رد: الي خبراء الدايو
 

السلام عليكم/انا كان معايا لانوس 2 ولسه بايع بس الدايو فعلا عربيه اقتصاديه وحاجاتها مش غاليه بس ع طول اكشف ع بلي العجل والف الف الف مبروك

رد: الي خبراء الدايو
 

أنا كان معايا جوليت 2000 و أخويا كان معاه جوليت 99 و العربيات دى ممتازه و هيا نفس موتور و عفشه اللانوس بس هيا ثبات افضل كتير علشان الإيروديناميكس و اداء افضل و بصراحه انا بحب العربيه دى اوى و ربنا يباركلك فيها ان شاء الله, بس خلى بالك سير الكاتينه غيرو فى التوكيل علشان كل الى فى السوق مضروب, انا كنت بغير فى التوكيل و أخويا حب يوفر شويه غيرو خارج التوكيل 18000كم و اتقطع السير و بهدل الدنيا و خسر اكتر كتير من الى وفرو, و طرمبه الميه بتاعتها كل 45000-40000كم بتحتاج تتغير (هيا الأصلى تمنها كان 220جم فى التوكيل و 180جم خارج التوكيل) بس انا بعت العربيه فى 2004 و كانت عامله 85000كم و اخويا لسه بايع عربيتو السنه الى فاتت و كانت عامله 160000كم تقريباً (160000كم مفيش حاجه فى العربيه اتغيرت - المساعدين و الرشاشات و مضخة البنزين كلهم بتوع العربيه , الى كان بيتغير السيور و شدادات السيور و الفلاتر و طرمبه الميه و قواعد الموتور" مره واحده" و البوجيهات و بس كده يعنى الصيانه الدوريه و بس - ده طبعا بخلاف مشكله سير الكاتينه الى إتقطع و بوظ الدنبا و راح ظبط الموتور فى التوكيل و باعها)
أنا كنت بتعامل مع ابو غالى فى الصيانه

رد: الي خبراء الدايو
 

مبروكة عليك أن شاء الله

ربنا يكفيك شرها و يعطيك خيرها

آمين

العربيات دى حلوة جداً و أنا تعاملت معها على مدى 10 أعوام بحكم أمتلاك عملى عدة سيارات منها و كذلك أصدقاء لى هى عربيات أقتصادية - حمولة - تعطى أكثر من ما تتوقع منها - و لكن طول ما أنت مهتم بها و ما بتبخلش عليها بتديك اللى أنت عايزة لكن لو أهملتها بتكون النتائج وحشة.

أستمتع بسيارتك فقيادتها ممتعة جداً

رد: الي خبراء الدايو
 

في انتظار باقي الردود