|
اجراءات السيارة الزيرو
سلام عليكم يا جماعة ، انا اول مرة إشترى عربية وعايز اشترى عربية زيرو وعايز اعرف خطوات إجراءاتها من الرخصة والمرور وما إلى ذلك ؟؟ وأيهما احسن من معرض ولا توكيل خاصة انى عايزه ينقلهالى المكان اللى انا فيه لانى مش واثق فى سواقتى على الطريق من اول مرة ؟؟:1
|
رد: اجراءات السيارة الزيرو
مبروك مقدما ربنا يهبك خيرها ويكفيكى شرها
اولاً بالنسبة للاجرائات بتختلف على حسب نوع وطبيعة العربيه مثلا لو بالتقسيط لازم جواب من البنك للمرور علشان حظر البيع لصالح البنك ينزل على الرخصة لو عربيه مستورده لازم ورقها ويتراجع علشان يتثبت كل الكماليات اللى فيها زى الفامية مثلا وفى كل الاحوال اجراءات العربيه حاجة ورخصة السواقة حاجة تانية وبالنسبة لرخصة العربيه لو تقسيط غالبا هيروح معاكى حد من المعرض يمشى معاكى فى الاجرائات علشان بياخد صورة من الرخصة يسلمها للبنك لو كاش حضرتك تاخدى معاكى حد يساعدك فى الطوابير وتروحو بدرى تخشو على شباك الورق وتقوليلهم دوسيه عربيه جديدة وتبداو تتحركو على الشبابيك تسددو الضريبة وتعملو البيانات وتدفعو فى الخازنة وتخشو فحص وتشترو طفايه ولفه ظريفة كده تاخدلها 3 - 4 ساعات على الاقل جوه المرور من شباك لشباك لحد ما تخصلو وممكن تخلصو فى نفس اليوم وممكن تاخد يومين بالكتير |
اجراءات ترخيص السيارة الزيرو وتكاليف الترخيص والرسوم
2 مرفق
إجراءت ترخيص سيارة جديدة فى المرور
المستندات المطلوبة للترخيص * الافراج الجمركى * خطاب المرور من البنك او المعرض * نموذج فحص السيارة * تأمين اجبارى من احد شركات التأمين بعدد سنوات الترخيص * سداد الضرائب * نموذج ترخيص مرور بعدد سنوات الترخيص * اصل وصور بطاقة رقم قومى او بسبور سارى * نموذج طلب لوحات معدنية ونماذج الفحص والطفايه وزى ما قولت لحضرتك البدايه من اكشاك الورق هتطلبى الدوسية كامل وجمبهم اكشاك شركات التامين الاجبارى واللى بيبعو الطفايات ولو فيه شخصين يتحركو مع بعض واحد يقف على الخازنة والتانى يكمل ورق هتخلصو فى ساعتين تلاته بس تروحو بدرى وميكونش مرور السلام ولا مدينة نصر :D ملف مرفق 18134 ملف مرفق 18135 |
| الساعة الآن 01:48 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017