العربية فصلت منى
 

بعد السلام عليكم
انا مبتدأ فى قيادة السيارة اليوم بعد الفجر دورت العربية اشتغلت تمام لفيت بيها حوالى نصف ساعة وجيت اركن طبعا الركن ده صعب قوى على قعدت حوالى ثلث ساعة شمال ويمين ويمين وشمال انى اركن مش عايزة تركن وبعدين العربية فصلت منى زقتها شوية على جنبى وبعد كده فصلت تانى لما جيت اركن طبعا ركنتها وانا بزقها فهل يا ترى انا اجهدت الموتور علشان كده فصلت ولا ده عيب ايه مع انى لسه مغير الدينامو من يومين افيدونى افادكم الله

رد: العربية فصلت منى
 

وعليكم السلام ورحمة الله وبركاته
طبعا العربيه وكل انظمتها مصممة للعمل مع الحركة على الطريق فمثلا نظام التبريد طول مانت ماشى بسرعة على الطريق بتقابل الهواء فى وش العربيه وده بيبرد سخونة الموتور وبالتالى باقى المكونات وعلشان كده اغلب مشاكل العربيات بتحصل فى الزحمة
وبالتالى لما تقد تلت ساعة واكتر بتركن العربيه وكمان مع قله خبره بالعربيه ومع عربيه مستعملة حالتها اقل من جيدة ممكن تحصل مشاكل كتير من النوع ده

عموما مهم بعد كده تاخد بالك من سخونة الموتور علشان ده اهم مؤشر على اجهاده وياريت يكون عندك مؤشر البطارية شغال وتاخد بالك هى بتبطل من ايه ممكن يكون من ظبط رجلك على الدبرياج وممكن يكون الدربياج عايز يتظبط وممكن يكون عيب كهرباء او عيب سخونة محتاج متابعة منك وياريت تستغل اليومين اللى الجو فيهم حلو قبل الحر وتتمرن على موضوع الركن ده ويفضل يكون بليل الجو بيكون الطف طبعا
وتمنياتى ليك بالتوفيق واهلاً بيك فى مصر موتورز نورت المنتدى وابقى قولنا عملت ايه

رد: العربية فصلت منى
 

جزاك الله خيرا فعلا طلع عيب فى البطارية وشكرا على الرد مع تحياتى لهذا المنتدى الجميل الذى استفدت منه كثيرا انا وغيرى وشكرى الخاص لك ولجميع الاعضاء

رد: العربية فصلت منى
 

جزاك الله خيرا على الاهتمام والرد والافادة وشكرا لهذا المنتدى المفيد والقيم الذى استفدت منه كثيرا بالفعل كان العيب فى البطارية