فتيس الـ 128
 

بسم الله الرحمن الرحيم
عندي الفتيس بتاع الـ 128 بيجيب الأولاني بالعافية ، ولازم أزقه لأدام أوي مع يمين شوية علشان يلقط معايا ، يعني شغل حاوريني ياكيكا.:crazyW14:
العمل إيه وأروح للميكانيكي ولا بتاع الفتيس ولو قال أغير الفتيس مثلاً أجيب جديد ولا مستعمل .

رد: فتيس الـ 128
 

في الغالب دي ممكن تكون المعلقه بتاع الفتيس
خلي الميكانيكي يراجع عليها و علي الاتياش لو فيهم تيش مبوش غيره
و غالبا دا السبب
بالنسبه للفتيس لو تعبان مافيش منه جديد
بيجي استيراد من عزبه شلبي او الحرفيين
ولازم تتأكد انه مفكوك من الموتور قدامك علشان تتاكد انه استيراد مش ملعوب فيه

رد: فتيس الـ 128
 

جزاك الله خيراً ...
ولي سؤال آخر ........فيه خرطوم طالع من الماتور داخل على الإسبراتير ، الميكانيكي قال لي إن الماتور خفيف وخلي الخرطوم مش راكب في مكانه وده طبعاً بيخلي الدخان إللي طالع من الفايظ ده يطلع عليه وأنا سايق .
فيه ميكانيكي تاني ألي محتاج تعمل للماتور شوية حجات كده علشان تعالج موضوع خفية الماتور مش فاكر إيه هيه بالظبط بس إللي فاكره من كلامه الغريب بالنسبالي تعمل رودينا وحجات كده للصبابات بتاعة الماتور ومش عارف إيه تاني أرجو الإفادة .

رد: فتيس الـ 128
 

الخرطوم دا خرطوم الفايظ و وظيفته تخريج بخار الزيت من الومتور و توصيله الي عمه الموتور
الخرطوم دا لما بيطلع بخار زيت كتير فدا معناه ان الموتور محتاج شنبر او عمره
الحل لحد ما تعمل عمره توصل الخرطوم دا بخرطوم ميه و تنزله تحت العربيه علشان الدخان ما يضايقككش
بالنسبه لكلام الميكانيكي التاني
مافيش حاجه بتتعمل علشان خفيه الموتور غير العمره و بس
لكن ممكن فعلا الصبابات تكون بتهرب العادم و تكون محتاجه روديه
عموما اسمع كلام الميكانيكي التاني و مش حتخسر حاجه
فك وش السلندر و اعمل الروديه و لو فيه صبابات بايظه غيرها
و ركب و امشي لو فضل الموتور بيطلع دخنه يبقي كده محتاج عمره او شنبر
و ساعتها حنكون خلصنا من وش السلندر مش حنعمل فيه شغل لاننا عاملين صبابات الاول
و حيكون كل شغلنا تحت في فارغه الموتور .

رد: فتيس الـ 128
 

عاجز عن الشكر ، أسأل الله أن يجازيك عني أحسن جزاء.