شراء عربية مستعملة لأول مرة
 

السلام عليكم
أرجو المساعدة والتوجيه .. أنا عايز أشتري عربية مستعملة ودي أول تجربة لي في شراء العربيات... محتاج عربية في حدود 35 ألف ومش عارف اية الأفضل ... بقالي أكثر من أسبوع بدخل منتديات واختلفت الأراء ما بين أنواع الأعربيات الأفضل وهي:
1- الأبيزا
2- البولو
3- الكليو
4- فليشيا
وساعات بلاقي ناس بدخل الأنواع دي في المقارنة معاهم:
1- البونتو
2-اللانوس.
3- فيات سيينا
4- لانسر
انا بصراحة محتار.. عايز أعرف الأفضل من بينهم وكما الموديل لان يوجد أختلاف في الرأي في الموديلات من 94 و 98 و 99 و 2000 و 2001 و 2002.
مع العلم أن بسافر مرة في الشهر 250 كم .. هل ليه تأثير في أختيار العربية؟؟

رد: شراء عربية مستعملة لأول مرة
 

اهلا بيك فى مصر موتورز نورت المنتدى
خلينا نجيب من الاخر السفر مسافات كبيرة يعنى استهلاك اكبر لحاجات كتير وعداد العربيه هيعمل ارقام اكبر يبقى لازم الصيانات الدورية غيار الزيت معدلات الاهلاك كل ده يتغير وطبعا يفضل عربيه عملية اكتر
ليه عمليه اكتر علشان زى ما قولنا معدلات الاهلاك والصيانة والحاجة لقطع غيار اكتر وعربيات عمليه اليومين دول يعنى اليابانى والكورى فيبقى الكورى واليابانى اسهل وارخص من الاروبى وكتكنولوجيا كمان عملى اكتر
وبالتالى مش هيتبقى فى القائمة اللى انت طرحتها غير الانوس والانسر
الاهم فى موضوع المستعمل كله حاجتين
1 - الافضليه للحالة مش للموديل والحالة هى اهم حاجة فلازم تشوف العربيه اللى اساسيتها سليمة حتى لو راشه ولا محتاجه دهان ولا مش مركب كاسيت ولا فرش جلد دور على الاساسيات فى الشراء مش الكماليات

2- العربيه اللى هتشتريها انهارده هتحتاج تبيعها بكره علشان مفيش عربيه اليومين دول ينفع تبقى عربيه العمر فمسيرك هتزهق او ربنا يوسع عليك وتحتاج تبيع فلازم تكون سهله فى اعادة البيع

ومن ما سبق اعتقد الانسب لميزانيتك عربيات زى الكيا برايد والهيونداى اكسيل اشك انك تلاقى لانوس او لانسر كريستاله بالسعر ده