مصر موتورز مجتمع السيارات - أسئله بخصوص تعديل شاهين... معلش اعذروا جهلي

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

- - أسئله بخصوص تعديل شاهين... معلش اعذروا جهلي (https://www.masrmotors.com/vb/showthread.php?t=14353)

أسئله بخصوص تعديل شاهين... معلش اعذروا جهلي

السلام عليكم ورحمه الله وبركاته

اعذروني بقه يا رجاله عشان انا مليش اي خبره في التعديل
انا معايا شاهين 96
عايز اعمل فيها خمس حاجات من اللي هتشوفوهم في الصور اللي جايه

http://www.alluwanna.com/img/images/507_156335_max.jpg

http://www.alluwanna.com/img/images/307_156338_max.jpg

http://www.alluwanna.com/img/images/177_156339_max.jpg

http://www.alluwanna.com/img/images/910_156341_max.jpg

ها، شفتوا الصور؟؟

أنا عايز اعمل الاكصدامين القدماني والخلفي
وعايز اكبر عتب الابواب زي اللي معمول دا
وعايز اعمل الجزء اللي اللي مغير شكل الفوانيس بالشبكه
واخر حاجه الحتت اللي على الكبوت دي "وياريت تعرفوني اسمها ايه"

افيدوني بقه
الاول الكلام دا يتعمل فين؟

وبالنسبه للاكصدامات
اعملها فاير جلاس ولا فاير كاربون
انا سمعت ان الفاير كاربون أغلى
الاكصدامين دول كل واحد يعمله كام لو فايبر كاربون ولو فايبر جلاس -تقريبا يعني-؟
طيب لو ينفع تتعمل فايبر جلاس، هل الفايبر جلاس بيترش علشان يبقى زي لون العربيه؟
طيب والفوانيس اللي متركبه في الاكصدام اللي في الصو، فوانيس إيه؟

بالنسبه للشبكه والعتب، برضه فايبر جلاس ولا كاربون والتكلفه تقريبيه

آخر حاجه الكبوت
الحاجات اللي عليه تستلزم تنفيخ في الكبوت
ولا ممكن تتعمل فايبر جلاس وتتركب وتترش
ياريت كله بالاسعار التقريبيه بعد اذنكم

سؤال أخير بقه بخصوص الموتور
دلوقتي موتور العربيه 1300 سي سي
عايز اركب تكيف محترم
طبعا مع الموتور دا العربيه هتتخنق قوي
بالذات اني انا كل مشاويري سفر، يعني هشغله علطول
انا مش بشد جامد قوي، بس بشد شويه، وانا برضه مبحبش احس ان العربيه مبتجيبش
قدلوقتي ايه الحل
تربوا ولا تسقيط موتور؟
طيب لو تسقيط موتور
إيه المواتير الكويسه اللي شاسيه الشاهين يستحملها
وهل لو هسقط، هحتاج حاجات اضافيه معاه زي فلتر أو شدادات للشاسيه وكده؟ ولا هوا الموتور بس؟
ومتوسط الأسعار بقه بعد اذنكم

معلش عارف اني تقلت عليكو
بس متتأخروش عليا

السلام عليكم ورحمه الله وبركاته

رد: أسئله بخصوص تعديل شاهين... معلش اعذروا جهلي

نفس ردى...روح لبسام :HAPPY_~211:

رد: أسئله بخصوص تعديل شاهين... معلش اعذروا جهلي

هههههههههههههههه
تسلم يا حسام
دا كلنا منتشرين في كل حته بقه

طيب ما تفيدني في اخر سؤال بالمره بقه وينوبك فيا ثواب

رد: أسئله بخصوص تعديل شاهين... معلش اعذروا جهلي

بالنسبه للتنفيخ و الكلام دا عندك ارابكوم 2000 في مدينه نصر
بس علشان تعمل الشغل دا حتتكلف تكاليف كبيره

السؤال التاني بقي

اقتباس:

إيه المواتير الكويسه اللي شاسيه الشاهين يستحملها

عندك موتور ال 1600 ال 1 كامه بتاع التمبرا كويس جدا و الشاهين بتنزل بيه كمان
و عندك مواتير ال 2 كامه بتاع ال 131 و ال132 ال 1600 و ال 2000 و دي حتبقي غاليه
و حتي لما تعدل و تغير الموتور فتركيب التكييف في الشاهين غير مستحب
و مش حتاخد النتيجه اللي في دماغك
من رأيي تبيع العربيه و بالفلوس اللي حتعمل بيها الحاجات دي
تشتري عربيه تانيه يكون فيها تكييف و حالتها نضيفه
لان علشان تعمل التعديلات دي علي حق حتحتاج مش اقل من 15 الف جنيه

رد: أسئله بخصوص تعديل شاهين... معلش اعذروا جهلي

اقتباس:

المشاركة الأصلية كتبت بواسطة Dr. Shanawany (المشاركة 87222)

بصراحه حاجات المواتير ده مليش فيها خالص.....