سؤال عاجل لعشاق فيات ... دوبلو كلاسيك 2015
 

السلام عليكم ..
السادة الافاضل فى مصر موتورز ...عندى سؤال مهم جدا بالنسبة لى ..برجاء الرد
انا شفت امبارح فيات دوبلو 2015 كلاسيك فى الطارق مول العرب و عجبتنى جدا جدا ...لانى عايز عربية عائلية مساحتها كبيره جدا من الداخل و لكن عندى شويه استفسارات
1- الموتور 6 صبابات 1.4 يولد 77 حصان على حجم العربية مش عارف كويس و لاه و هل هوه نفسه موتور البونتو ؟؟ لو هو هو يبقى الموضوع سهل فى قطع الغيار
2-هل اى حد يعرف اى حاجه عن العربية دى ؟؟؟ كويسه وحشه
3- اهم نقطه قطع الغيار ... و هل التوكيل كويس حد جربه قبل كدا لان التوكيل القديم اومترا كان زباله ... التوكيل بتاع فيات دلوقتى النيل الهندسيه ..هل حد يعرف عنهم اى حاجه
و شكرا

رد: سؤال عاجل لعشاق فيات ... دوبلو كلاسيك 2015
 

الشكر لله فى البداية
السيارة على قدر الامكانيات المذكورة ممتازة
قطع الغيار سوف تكون فى التوكيل ومحتكرة حتى تنتشر السيارة
شركة النيل الهندسية لها سمعه طيبة سابقة مع فيات
وايضاً هم وكلاء هوندا فى مصر مشاركة مع الفطيم
ووكلاء بريدجستون
توكل على الله واستخر الله فى هذا الامر إذا كانت مواصفات السيارة وشكلها مناسب لإستخدماتك

رد: سؤال عاجل لعشاق فيات ... دوبلو كلاسيك 2015
 

شكرا على الرد يا باشا .. و لكن الموتور 8صباب و ليس 16 ... و هو هو نفسي موتور جراند بونتو يولد 77 حصان و لكن حجم العربية كبير على الموتور ...و هل موتور البونتو 1.4 كويس و بيشد و لا ضعيف و اخبار تكييف فيات عامه ايه كويس و لا زى الاوروبى تكييف تعبان ...المهم حستخير و ربنا ييسر الحال ...لو حد يعرف اى حاجه عن العربية ياريت يفيدنى ..

رد: سؤال عاجل لعشاق فيات ... دوبلو كلاسيك 2015
 

مواصفات الموتور اخى الكريم من موقع الشركة الام 1.4 /16 صباب / 90 hp
راجع التوكيل للتأكد من الفرق بين موقع الشركة وما هو مذكور فى العرض التجارى
اما السيارة نفسها فتعمل 2 منها لدى مكتب سياحة ورأيهم ممتازة زلكن العيب فى احتكار قطع غيارها فى التوكيل وعدم التواجد خارج التوكيل

رد: سؤال عاجل لعشاق فيات ... دوبلو كلاسيك 2015
 

أ/محمد فيصل شكرا على ردك و الاهتمام و لكن التوكيل ما بيردش على تليفونات خالص و مبيعاتهم سيئه جدا جدا و اكتشفت مفيش غير واحد بس مبيعات هناك...المهم انا رحت الشركة فى العبور عند كارفور و سألت و عصرت الوحيد اللى هناك sales ....
الموتور نفس موتور الجراند بونتو و نفس موتور موديل جديد اسمه فيات كوبو و نفس موتور الدوبلو كلاسيك 8 صبابات يولد 77 حصان و قدرته 1400 cc و انا بنفسى فتحت كابوت ال3 عربيات و شوفت الموتور
اما 1600cc يولد 95 حصان دى فعلا برضه فيات دوبلو.
..بس اسمها دوبلو ماكسى(7 مقاعد موتور 1600 يولد 95 حصان على 16 صباب)
...مش دوبلو كلاسيك (5 مقاعد موتور 1400 يولد 77 حصان على 8 صبابات) ....
و ده الفرق ..
اما العربيات الفان هيا نفس موتور الكلاسيك 77 حصان 1400 cc

حضرتك بتقول انك تعرف شركة سياحه عندها العربية ممكن تتاكد حضرتك موتورها 1400 و سؤالى الله يكرمك هل تكييفها كويس و لا تعبان و الموتور كويس على البودى الكبير ده و لا لاه و شكرا لزوقك