مشكلة فى فتيس هيونداى نيو اكسنت 2011
 

انا عندى نيو اكسنت 2011 اتوماتيك , 54 الف كم , من اسبوعين ظهرت مشكلة عندى فى الفتيس ودوخت فى التوكيل والميكانيكىة برا , العربية وهى بارده تقبل الغيارات كلها , لكن لما تسخن يعنى تمشي شويه زى 5 كم مثلا , تبدأ ما تاخدشى الغيارات , تاخد التانى بس , طبعا لما اجي اخد مطب واجي اطلع احس العربية متكتفة ومش عايزة تطلع وصوتها يعلى وكدا, وبتتعبنى على ما تتحرك وبعد كدا ما تاخدشى الا الغيار التانى بس.

طبعا روحت للميكانيكية قالو لى غير زيت الفتيس غيرت
نضف الحساسات بالاسبراى نضفت
الاخير قالى اطلع على 2 شوية لحد ما تسحب

طبعا كل الكلام دا مش مقتنع بيه والعربية زى ما هيا

من فضلكم ارجو توضيح العطل جاى منين وازاى يتصلح

وشكرا جزيلا مقدما

رد: مشكلة فى فتيس هيونداى نيو اكسنت 2011
 

متتعبش نفسك كتير وتصرف مصاريف ع الفاضى .. ده كده الفتيس محتاج يتغير ..

الفتيس الاتوماتيك جواه حاجة اسمها كلتشات .. بتبقى خامتها نفس خامة تيل الفرامل كده .. مع قله زيت الفتيس او عدم تغييره لفتره طويلة بيحصل تاكل فى الكلتشات دى وبتبدأ تفوت وتضيع عزم الهيدروليك جوا الفتيس .. فياخد نقله غير مناسبة لسرعه العربية

فتيس استيراد بيعمل فى حدود 2000 جنية وحوالى 500 - 600 جنية مصنعيات وزيت وريح بالك ومتخليش حد يعملها حقل تجارب ويغرمك فلوس ع الفاضى اكتر من كده

رد: مشكلة فى فتيس هيونداى نيو اكسنت 2011
 

فى حاجة بس عاوزك تجربها

لما تسخن وتعمل المشكلة معاك جرب هات الفتيس على L او 1 وشوف هتطلع معاك ع الاول ولا هتطلع ع التالت بردو ..

لو كل الاوضاع D , 2 , L بتطلع ع التالت ده معناه ان الفتيس ماشى على ال ـ SAFE MODE يعنى مش واصله كهربا .. فاحتمال يبقى عيب كهربى .. ساعتها هتبص على فيشة العقل وفيشة المشط بتاع الغيارات وتنضفهم باسبراى كويس وتجرب ..

اما لو بتطلع على الاول لما تجيب L وتطلع ع الاول وبعدين التانى لما تجيب 2 يبقى كده الفتيس محتاج يتغير