لمبه الزيت منوره وهي دايره في شيفروليه افيو برجاء الحل
 

السلام عليكم
دلوقتي انا عندي سؤال ضروري .. انا معايا شيفروليه افيو 2009 ولمبه الزيت بتنور عندي والعربيه ماشيه بقالها اسبوعين .. مش اهمال مني لكن صوت المكنه طبيعي جدا علي السلانسيه وعلي السرعات العاليه والعربيه في وضع طبيعي تماما من حيث دوره التبريد وسحب الموتور .. بالاضافه الي ان قياس الزيت عند الماكسمم .. مع العلم اني مغير زيت من اسبوعين بعد تغيير وش سلندر وجوانات .. مفيش تسريب من المكنه او اثار لاي زيت علي المكنه .. مفيش نقص مياه .. ولون الزيت طبيعي جدا .. العربيه في حالتها الطبيعيه تماما .. بالاضافه لاني عملت الف كيلو بيها وهي علي حالتها دي .. اللمبه بتنور بعد ربع ساعه من بعد الدواره وبعد مشي بسيط بيها .. ملاحظه اخيره .. اللمبه بتطفي لما ال ار بي ام يعلي مع اي غيار .. من فضلكوا محتاج حل لاني بروح بيها الشغل وهو بعيد وخايف الموتور يقفش مني وانا ماشي

رد: لمبه الزيت منوره وهي دايره في شيفروليه افيو برجاء الحل
 

بالاضافه الي تغيير فلتر الزيت ايضا

رد: لمبه الزيت منوره وهي دايره في شيفروليه افيو برجاء الحل
 

لازم يتكشف عليها ومتمشيش بيها كده لان ممكن تكون طلمبة الزيت ضعيفة او فيها مشكلة حتى لو الزيت مش ناقص ..

لازم تعرضها على ميكانيكى كويس وما تمشيش بيها على كده كتير

رد: لمبه الزيت منوره وهي دايره في شيفروليه افيو برجاء الحل
 

اول حاجة هانغير الزيت الموجود فى العربية
رقم 2 هانغير ساعة الزيت
لو ما اتحلتش لا قدر الله يبقى اما ان طلمبة الزيت ضعيفة او ان سبيكة الكرنك فيها تاكل