مصر موتورز مجتمع السيارات - ثقل فى دريسكيون كيا بيكانتو

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - ثقل فى دريسكيون كيا بيكانتو (https://www.masrmotors.com/vb/showthread.php?t=141417)

ثقل فى دريسكيون كيا بيكانتو

عندى مشكله كبيره وارجو من حضراتكم المساعده
اوﻻ انا عامل عمليه فى رسغ يدى اليمنى وايضا عندى مشكله فى يدى اليسرى . وهذا يتطلب دريكسيون ناعم جدا لعدم شعورى بالالم .. ولذلك اختيارى للعربيه بيكون بعد بحث طويل ودقيق .. المهم وجد سياره بيكانتو ناعمه جدا بعد عناء البحث .. وذهبت بها للتوكيل لصيانه ال 10，000 وهناك تم الاتى :
Update خاص بالفيتيس على حد قولهم . وانه احدث تطبيق من كوريا نازل لتحديث بعض الاشياء بالسياره .
مع تغيير الزيت وتربيط العفشه .. وبعدها ظهرت مشكلتى .. ان الدركسيون اصبح اثقل بكثير من الاول ﻻ احتمله واشعر بألم مع كل لفه للدريكسيون .. وانا ﻻ اعلم ما سبب حدوث مثل هذه المشكله .. والاهم كيفية حلها .. أرجو المساعده
شكرا مقدما.

رد: ثقل فى دريسكيون كيا بيكانتو

الف سلامة عليك وان شاء الله الحل بسيط اولاً بص على الكاوتش واتاكد انه مظبوط كويس وخاصة فى العجل اللى قدام لو العجل نايم هيديك نفس احساس التقل ده

ثانيا انا بصراحة مش عارف اذا كانت البيكانتو فيها باور ستيرنج ولا لاء بس هنجرب والعربيه واقفة ودايرة تلف الدريكسيون يمين وشمال للاخر هل التقل زى ما هو هل فيه اصوات اثناء تدوير الدريكسيون ؟ الاحتمال التانى الاكثر شيوعا هو تلف علبة الدريكسيون او الطلبمة الخاصة بيها او نقص زيت الباور
فى حاله انها هيدروليك اما فى حالة انها كهرباء زى ما بتنزل فى بعض الدول يبقى مش هتلاقى خزنة زيت للباور وطبعا مفيش طلمبة هو موتور وبس

وفى حاله ان المشكلة مش ظبط الكاوتش افضل ترجع للتوكيل لحل المشكلة لان وارد يكون سببها خطاء فى التقفيل من الصنايعية فى الصيانة الاخيرة