اوبل فكترا
 

لي سؤال يا جماعة بخصوص اوبل فكترا
امامي عربية اوبل فكترا
موديل 1995
1600 سي سي
فتيس مانيوال
اللون احمر (نبيتي)

صاحبها بيقول انها تقفيل الماني مش منصور
بس انا مش مصدق

لاني اسمع ان الالماني من العربية دي موديل 1995 كان بينزل اوتوماتيك مش مانيوال
كمان الالماني المكنة بتاعته 2000 سي سي وليس 1600

فهل الكلام ده صحيح
وازاي اعرف التقفيل الالماني من المصري في العربية دي

ويا ريت كمان لو تفيدوني في سعرها
صاحبها طالب 37 الف
وحالتها كويسة

يا تري غالية ولا رخيصة
ولا اييييييييييييه*

رد: اوبل فكترا
 

الفيكترا ما قبل 94 الماني
ودي بتعرفها من بره كان بيبقي فيه غماز في الجنب شبه بتاع ال 128 العاده(غماز اشاره مدور)
اما المصري ما فيش غماز اشاره في الرفرف نهائي.

فيه فيكترا كانت مع واحد صاحبي موديل 94 و كانت 2000 مانيوال
و كل المصري ال 2000 منها نزل اتوماتيك
و كان بيقول تقفيل ايطالي او اسباني و انا مش متأكد من صحه المعلومه دي
و كانت الطاسه مافيهاش الدايره السودا اللي في النص اللي عليها شعار اوبل
و الفرش من جوه كان افخم من المصري و كانت تحفه فعلا و مش باين انها تقفيل مصري نهائي
وكان بيعمل صيانتها في مقار مش منصور .

بالنسبه للفيكترا المصري فهيا عربيه ممتازه مش وحشه
و لو لقيت منها عربيه سليمه خدها ما تترددش و كمان موتورها بيقبل اي بنزين عادي
يعني 80 او 90 مش فارقه.
ممكن تميز ال 1600 من ال 2000 ف يالمصري بكام حاجه
الموديلات كلها ما عدا موديلات 2001 الي 2003
كانت ال 1600 مانيوال فقط و ال 2000 اتوماتيك فقط
ال1600 الوان عاده فقط و ال 2000 الوان عاده و ميتالك
موديلات من 97 الي 2003
كان فيه مسند للرأس للراكب الوسطاني في الخلف و ال 1600 مافيهاش.
الزجاج الامامي كهربائي فقط في ال 1600 و لكن ال 2000 كان الاربعه زجاج كهربائي

رد: اوبل فكترا
 

شكرا حازم باشا :HAPPY_~211:

رد: اوبل فكترا
 

انا كنت عاوز أعرف كل حاجة عن العربية الأوبل 1600 موديل 2003, مالها و ما عليها و ايه عيوبها من حيث الثبات و أداء المحرك و أسعار قطع الغيار و الحرارة و كفاءة التكييف و أداء العربية عموما جوه البلد و عالطريق السريع لأنى كنت قريت موضوع فى نفس المنتدى ده بس كان عن الرينو الميجان و أعجبت كتير بالأسلوب اللى اتعرض بيه الموضوع بتاع الرينو لأنى فعلا طلعت بمعلومات جميلة جدا و كنت أتمنى أن يتم عرض كل الحقائق عن الأوبل ال 1600 مو 2003 بنفس الطريقة.

شكرا جزيلا و جزاكم الله كل خير